UNSA MAY MINISTERYO?
Markos 6:30-44
PANGABLI NGA HUNAHUNA
Gusto sa Dios nga magalagad kita sa uban nga mga tawo pinaagi sa atong ministeryo.
Kadaghanan kanato nakadungog sa pulong “ministeryo” apan unsay kahulogan niini? Gikan sa atong teksto atong discobrehon kon unsa ang kahulogan sa ministeryo gikan sa usa ka practical nga paggamit.
1. Ang ministeryo bulohaton (ber. 30-31)
Ang ministeryo bulohaton tungod kay ang mga tawo magusab. Sa atong gibasa kita gisultihan nga ang mga tawo moduol ug molakaw. Sa usa ka pagkasulti adunay mga tawo nga madinawaton ug ang uban dili.
2. Ang ministeryo anaa sa bisan diin nga dapit (ber. 32,33)
Ang ministeryo adunay paagi sa pagpangita kanato. Ang usa ka panginahanglan magila sa usa nga magsangkap sa panginahanglan. Kon ikaw usa ka magsasangkap sa panginahanglan, ang pila ka mga kinahanglan mangita kanimo. Usa ka balaod sa kinaiyahan nga ang magka-atbang magkaduol. Ang mga tawo miduol kang Jesus tungod kay Siya lahi kanila mga kabus sila ug Siya ang tigsangkap sa panginahanglan. Si Jesus miingon. “Ang mga maayog lawas wala magakinahanglan ug mana-nambal, kondili ang mga masakiton. Wala ako moanhi sa pagtawag sa mga matarung, kondili sa mga makasasala sa paghinulsol” (Markos 2:17).
3. Ang ministeryo bati-on sa kasingkasing (ber. 34)
Ang ministeryo maoy usa ka issue sa kasingkasing kon kini pagministeryo o pagalagad ba ngadto sa Dios o sa tawo apan unsaon nato pagbaton og usa ka kasingkasing alang sa ministeryo?
Timan-i nga si Jesus nagpakita og usa ka sumbanan alang sa pagbaton og usa ka kasingkasing sa pag-ministeryo dinhi niini nga bersiculo.
Ang sumbanan tulo ka pilo:
1. Nakita ni Jesus. Karon si Jesus wala magsulti bahin sa pagtanaw pinaagi sa lawasnon nga mga mata lamang. Nagsulti usab Siya bahin sa pagtanaw sa spiritual nga mga mata. Kay ginaingon nga samtang Siya nagtanaw sa duot sa katawhan sama sila sa mga carnero nga walay magbalantay.
2. Si Jesus nagmasulobon. Ang pulong kahingawa usa ka kusganon kaayo nga pulong nga nagkahulogan sa pagsulod ngadto sa pagbati sa usa nga nagantus.
3. Si Jesus nagalagad. Nakita ni Jesus, si Jesus naguol, ug si Jesus nagalagad. Ang Biblia nagsulti kanato nga si Jesus nagalagad pinaagi sa pagtudlo sa katawhan sa daghang mga butang. Matuod nga kita makahimo sa pagalagad nga walay gugma apan dili kita makahigugma kon walay pagalagad.
4. Ang ministeryo mahimo bisan unsa nga panahon (ber. 35,36)
Timan-i nga ang mga tinonan misulay na karon sa pagsanla ni Jesus gikan sa pagministeryo. Kon ang mga tinonan maoy pabut-on kini nga ministeryo subra na kaayo kahalayo ug kadugay. Sa ulahi sila moingon usab nga gastoso na kaayo kini.
5. Ang ministeryo personal (ber. 37¬,38)
Kanunay adunay mangutana kon pila ang magasto kon sila mosalmut apan ang tinuod nga tumong mao kon kinsay makadawat sa kaayohan.
6. Ang ministeryo maoy paghatag (ber. 38)
Bahin sa paghatag:
a. Makahimo lamang kita paghatag nianang anaa kanato kay Siya nagingon susiha. Ang pagsusi maoy usa ka lista sa inbentaryo kon unsa ang imong nabatonan, dili ang wala diha kanimo.
b. Dili kinahanglan magbaton kita sa daghan.
7. Ang ministeryo makapahiusa (ber. 39-40)
“Ug siya nagsugo kanila nga palingkuron nila ang tanan, sa pinundok, sa lunhaw nga balili. Ug minglingkod sila sa pinundok sa ginatus ug kinalim-an.” Ang ministeryo mao ang magdala sa mga tawo ngadto sa pagka-usa.
8. Ang ministeryo centro sa Dios (ber. 41)
“Ug gikuptan niya ang lima ka tinapay ug duha ka isda; ug sa mihangad siya sa langit, nagpasalamat: ug gitipiktipik niya ang mga tinapay.” Sa daghang mga panahon kita nababagan sa kakulang sa atong mga magamit. Apan kinahanglan kita mohangad. Ang Dios makahimo sa pagsangkap.
9. Ang ministeryo makatagbaw (ber. 42)
“Ug nangaon ang tanan ug nangabusog.” Si Jesus nagbuhat og duha ka mga milagro. Adunay milagro sa kadaghanon ug adunay milagro sa kalidad o matang. Dili lamang adunay igo nga tinapay ug isda kondili siguro gayud nga kadto labing maayo nga matang sa tinapay ug isda.
10. Ang ministeryo maoy pagtubo (ber. 43-44)
“Ug nakahipus sila sa mga tinipik napulo ug duha ka bukag nga puno, ug sa mga isda usab. Ug ang nanagpangaon sa mga tinapay may mga Lima ka libo ka lalake.” Ang Dios gusto og mga numero. Sa ubang mga paagi ang mga numero maoy mga referencia sa sinugdan. Sila magsulti kanato kon daw unsa ka malampuson ang usa ka butang diha sa kadugtongan sa laing butang.
0 Comments