PAGPLANO ALANG SA KATAPUSAN NGA PANAHON

Mateo 10:22

PANGABLI NGA HUNAHUNA
Si Jesus lamang ang atong gikinahanglan sa pagandam alang sa katapusan sa panahon.
Unsaon man nato pagpangandam alang sa katapusan sa panahon? Kinahanglan kita adunay usa ka plano aron kita maluwas.
I. PABILIN KANG JESUS, SIYA LAMANG IMONG GIKINAHANGLAN
A. Mapasalamaton kita nga ang Dios naghatag kanato sa kahibalo bahin sa tagna sa katapusan sa panahon ilabina sa mga tagna sa Daniel ug sa Pinadayag. Samtang ang kasayuran mahinungdanon, dili ang imong nahibaloan, kondili kon kinsa ang imong nailhan ug gisunod sa katapusan ang mahinungdanon. Kinahanglan kita sa personal makaila kang Jesus.
B. “Ako mao ang Alpa ug Omega, ang Nahauna ug ang Katapusan, ang Sinugdanan ug ang Katapusan.” (Pin. 22:13) Si Jesus mao ang Magbubuhat. Si Jesus naglakaw uban kang Adan ug Eva sa sinugdan, Siya usab magauban kanato sa katapusan. Bisan unsay mahitabo niining kalibutana, ang atong gikinahanglan mao si Jesus. Siya mao ang atong Magbubuhat; Siya mao ang atong Maghu-hukom; Siya mao ang atong Manluluwas. Siya moanhi sa paghatag kanato sa mga ganti sumala sa atong mga binuhatan (Pin. 22:12).
C. Mao kini ang pagpangandam nga kinahanglan atong buhaton. “Bisan kinsa ang buot moduol kanako, kina-hanglan kamo sa inyong kaugalingon, magpas-an sa inyong cruz, ug mosunod kanako.” “Kinahanglan dili kita mahadlok kon unsa ang umaabut kanato kay si Jesus mao ang atong Amahan, Magbubuhat, Manunubos, ug Maghuhukom. Kinahanglan kita makaila sa atong gituohan.
II. ANG DIOS LAMANG ANG NAHIBALO SA TAKDO NGA PANAHON SA PAGBALIK SA GINOO, BUSA AYAW KAMO PAGPAKURAT SA PAGTAKDA OG PETSA
A. Daghan nagtawag sa ilang kaugalingon nga mga Adventista nahimong tigtakda og panahon. Daghang mga panahon ang gitakda alang sa paganhi ni Cristo, apan misangput sa subli-subli nga pagkapakyas. Ang tukma nga panahon sa paganhi sa atong Ginoo gipamatuod nga dili alang sa pagtugkad sa mga mamalatyon. Bisan ang mga manolonda nga nagalagad niadtong mga manununod sa kaluwasan wala mahibaio sa adlaw ni sa takna. “Apan nianang adlaw ug takna walay tawo nga nahibalo, wala, ni ang mga manolonda sa langit, kondili ang akong Amahan lamang.” (4T 307)
B. “Dili kinahanglan kita mahibalo sa takdo nga panahon alang sa pagbubo sa Espiritu Santo o alang sa pagabut ni Cristo…. Nganong wala man kita hatagi sa Dios niini nga kahibalo?—Tungod kay dili nato kini gamiton sa husto kon Iya pa gipahibalo kanato. Ang kahimtang sa mga butang mosangput gikan niining kahibalo taliwala sa lyang katawhan nga maglangan sa hilabihan sa bulohaton sa Dios sa pagandam og katawhan sa pagbarug nianang dakung adlaw nga umaabut. Dili kita magkinabuhi diha sa panahon sa paukyab.” (LDE 33.1)
C. Dili ka makaingon nga Siya moabut sa usa, duha, o lima ka tuig, ni makapugong sa lyang paganhi pinaagi sa pagingon nga tingali napulo pa o kaluhaan ka mga tuig.-(LDE 33.2)
III. ANG MGA TIMAAN SA KATAPUSAN SA PANAHON NAGPAHINUMDUM KANATO SA PAGSALIG SA GINOO ALANG SA KALUWASAN UG DILI ALANG SA ATONG KAUGALINGON
A. “Ug makadungog kamo ug mga gubat, ug mga dinungogdungog sa mga gubat…. apan dili pa mao ang katapusan. Kay magatindog ang nasud batok sa nasud, ug ang gingharian batok sa gingharian; ug moabut ang mga gutom ug mga kamatay, ug mga linog sa mga nagakalainlaing mga dapit. Apan kining tanang mga butanga sinugdan sa mga kasakit” Mateo 24:6-8. Kining mga butanga gihatag aron pagpahinumdum kanato nga kinahanglan kita mosalig sa hingpit sa Ginoo.
B. “Ug pagadumtan kamo sa tanan tungod sa akong ngalan; apan ang magapadayon hangtud sa katapusan, kini maoy maluwas” (Mat. 10:22). Sagad kita mapasalaag pinaagi sa mga pagsulay, mga kagulanan ug mga timaan sa kapanahonan ug magpabulag sa atong mga mata gikan kang Cristo. Kita mapasalaag pinaagi sa kalibutan, pinaagi sa salapi ug kasayon sa kalibutan. Nakita ni Pedro ang mga unos ug mga balod, ug nagsugod siya pagkaunlod. Atong itutok ang atong mga mata kang Jesus. Siya mao ang atong Manluluwas ug Manunubos.
IV. Panapus
• Pagkinabuhi sa matag adlaw sa per¬sonal nga kadugtongan sa Ginoo.
• Pagkinabuhi sa siguro ug libre gikan sa
kabalaka sa katapusan sa panahon.
• Salig sa Ginoo, ug dili sa imong kaugalingon, uban sa akong kinabuhi karon ug hangtud sa etemidad.