ANG DIOS ADUNAY USA KA PLANO ALANG SA IMONG MGA PANINAPI

Lukas 16:11

PANGABLI NGA HUNAHUNA
Makahimo kita sa pagpahimulos sa kinabuhi sa labing maayo nga kahimtang kon atong sundon ang plano sa Dios.
“Ang salapi dili kinahanglan mahimong usa ka tunglo; kini hataas og bili tungod kay kon husto ang pagkagamit, makahimo kini og kaayohan alang sa kaluwasan sa mga kalag, sa pagpanalangin sa uban nga kabus pa kay kanato. Pinaagi sa dili maalamon nga paggamit, … ang salapi mahimong usa kalit-ag sa nagagamit. Siya nga magagamit sa salapi aron pagtagbaw sa garbo ug handum naghimo niini nga usa ka tunglo imbis nga usa ka panalangin”(AH 372.1).
I. PLANOHA ANG IMONG PAGGASTO
A. “Planoha pagayo ug ikaw makabaton sa kadagaya; kon ikaw dali ra kaayo nga magasto dili ka gayud makabaton sa igo.” Prov. (GN). “Ang tawo nga buang mogasto sa bisan unsay iyang makuha.” Proverbio 21:20 (TLB)
1. Likaye ang Pagkagastador nga mga Batasan.
“Kon ikaw adunay mga batasan sa pagkagastador. Putla kini sa imong kinabuhi sa labing madali. Gawas kon imo kining buhaton ikaw mabangkaruta alang sa eternidad” CG 134.1
2. Batasana ang Pagdaginot sa Inyong Puloyanan. “mga ginikanan sa ngalan ni Cristo ayaw gamita ang salapi sa Ginoo sa pagpahimuot sa mga kakawangan sa inyong mga anak. Ayaw sila tudlo-i sa pagsunod sa estilo aron lamang sa pagbaton og usa ka kabuyoan sa kalibutan… {CG 134.3} Daghang mga ginikanan gusto magpakita sa ilang gugma alang sa ilang mga anak pinaagi sa paghatag sa bisan unsay ilang gusto aron sa pagtagbaw sa ilang gugma sa pagpasundayag. Dili kini mao ang buot sa Dios nga inyong buhaton.
II. PLANOHA ANG IMONG MGA PAGTIPIG
A. “Ang tawo nga maalam magatipig alang sa umaabut.. .” Proverbio 21:20a (LB). “Ang salapi nga moabut sa kasayon mahanaw sa kalit, apan ang salapi nga tigumon paganam-anam magatubo” Prov. 13:11 (NCV).
B. Sa pagbuhat ni Jesus og usa ka milagro aron pagpakaon sa gigutom linibo nga nagpatalinghug sa lyang mga pagpanudlo, apan human sila nakakaon ug nabusog, wala Siya motugot nga usikan ang mga salin. Kinahanglan atong tigumon ang mga salin, kinahanglan magtuon kita sa pagtipig sa pila ka mga salapi alang sa umaabut. Makahimo kita sa pagtigum alang sa causa sa Dios, “Bisan siya tingali kabus, ang batan-on nga makugihon ug madaginoton makatipig og diyutay alang sa causa sa Dios.” (AH 382.3)
III. PLANOHA ANG IMONG PAGHATAG
A. “Dad-a ninyo ang tibook nga ikapulo ngadto sa balay nga tipiganan, aron nga adunay kalan-on diha sa akong balay, ug pinaagi niini sulayi ninyo ako karon, nagaingon si Jehova sa mga panon, kong dili ba buksan ko kaninyo ang mga tamboanan sa langit, ug buboan ko kamo sa panalangin, sa pagkaagi nga wala na unyay dapit nga igong kabutngan sa pagdawat niini !” Malaquias 3:10. “Pasidunggi si Jehova pinaagi sa imong manggad, ug sa mga inunahang bunga sa tanan mong abut: aron ang imong mga kamalig mapuno sa kadaghan” Prov. 3:9¬10
B. Ang mga pagtudlo nga gihatag sa Espiritu Santo pinaagi kang apostol Pablo bahin sa mga gasa, naghatag og usa ka principio nga mapahinungod usab sa pag-ikapulo: “Sa unang adlaw sa semana ang matag usa kaninyo magahin alang kaniya, sumala sa pagpauswag sa Dios kaniya.” Mga ginikanan ug kabataan nalakip dinhi. Dili lamang ang dato, kondili ang kabus, ang gipahinungdan. Sa dili pa magsugod sa pagbuhat pagusab, atong iuli ngadto sa Dios ang lyang bahin, uban sa atong mga halad sa pagpamatuod sa atong pagpasalamat. Ang Dios naghandum kanato nga maghatag sa kanunay nga adunay sistema.
IV. PLANOHA ANG PAGPAHIMULOS SA IMONG NABATONAN
A. Labi pang maayo ang pagkatagbaw nianang imong nabatonan kay sa kanunay nga paghandum sa pagbaton sa lain pang butang. Eccles. 6:9 (GN). “Kon akong ibutang ang akong pagsalig diha sa salapi, kon ang akong kalipay nagasandig sa bulawan… kini nagkahulogan nga akong gilimod ang Dios sa langit Job 31:24,28 (LB).
B. Si EGW nagsulat, “Apan ang labing putli nga kalipay dili makaplagan diha sa mga kadato ni diin ang pagpangibog kanunay nagapangayo, kondili diin ang pagkatagbaw nagahari ug diin ang pagkamainantuson sa kaugalingon nga gugma mao ang principio nga nagagahum.” 3T 382.2
V. Panapus
Kon atong higugmaon ang Dios labaw sa tanan, ang atong temporaryo nga mga panginahanglan maanaa sa ilang husto nga dapit sa atong mga pagbati. Kon kita adunay handum sa mainiton nga pagpangita sa kahibalo ug katakus aron sa paghimo sa husto nga paggamit sa salapi ug sa mga butang, atong madawat ang kaalam ug pagsabut gikan sa Dios.