ANG UNANG SAMBINGAY NI JESUS

ANG UNANG SAMBINGAY NI JESUS
Mateo 13:3-9

PANGABLI NGA HUNAHUNA
Ang binhi sa maayong balita motubo lamang sa usa ka humok nga hunahuna ug abli nga kasingkasing.
“Usa ka magpupugas miadto sa pagpugas.” Karon, ang binhi mao ang ebanghelyo. Ang maguuma mao si Jesucristo. Ug si Jesus milakaw aron sa pagpugas sa lyang binhi. Gihulagway ni Jesus ang upat ka mga matang sa yuta.
I. Yuta #1 – GAHI NGA KASINGKASING
A. “Ug sa nagpugas siya, ang uban nga lugas nahulog sa daplin sa dalan, ug nanugok ang mga langgam ug ilang gituka” (Mat. 13:4). Nakasulay ba ikaw sa usa ka mahumok nga dalan? Kon mao, naglakaw ka sa usa ka dalan nga wala kaayo gamita tungod kay ang kadaghanan sa mga dalan bantok man kaayo. Ang yuta mabantok ug nagrepresentar kana sa gahi nga kasingkasing tungod kay ang yuta naghulagway man sa atong kasingkasing. Kon kining maayong binhi mahulog sa dalan, matumban kini, ug dili na makatubo pagayo. Ang mga lugas nga mahulog daplin sa dalan tukaon sa mga langgam, kining gutom nga mga langgam molamoy sa lugas sa dili pa makahigayon sa paggitib.
B. Ang usa ka kasingkasing mogahi kon labayan kini sa dili maayong mga pulong. Magdugmok kini ug magpagahi niini.
C. Ang Espiritu Santo ania sa patigayon sa pagdaro. Ang Espiritu Santo gusto magdaro nianang mga dalan. Gusto Niya nga mapahumok ang atong kasingkasing. Magampo kita nga atong dawaton ang paagi sa pagdaro ug pagtugyan sa atong mga kinabuhi ngadto sa balaan nga Maguuma. Kini nga matang sa yuta nagrepresentar sa tawo nga adunay gahi nga kasingkasing. Ang binhi dili makagamot kon kini mapugas ibabaw sa usa ka batoon nga kasingkasing. Ang ubang mga tawo nagkinabuhi sa ilang mga kinabuhi sa gagmay nga mga kahon nga puthaw. Sila giabungan sa ilang bulohaton sa amihanan. Sila giabungan sa ilang mga balayranan sa silangan. Sila giabungan sa TV magabii sa habagatan. Sila giabungan sa ilang masakiton nga lawas o kamatayon. Wala gyud silay higayon sa pagbuhat sa bisan unsa nga butang bahin niini.
II. Yuta #2- ANG MABAW
A. “Ang uban nahulog sa kabatoan diin walay daghang yuta, ug gilayon miturok tungod kay wala silay kalawom sa yuta. Apan sa pagsubang sa adlaw, mangalawos sila; ug tungod kay walay gamut, mangalaya.” (Mat. 13:5, 6)
B. Sila adunay talandugon nga pagbati, usa ka mabaw nga kasinatian uban kang Cristo Jesus, usa ka hapaw nga pagtugyan. Ug ako naghunahuna nga kinahanglan kita magampo nga ang Dios maghabok sa mabaw nga yuta sa atong mga kinabuhi kon mao kana ang kahimtang, kon lyang gamiton ang bisan unsa nga paagi nga kinahanglan sa paghimo kanato ngadto sa tawo nga lyang gusto, aron pagpahumok sa atong mga kasingkasing.
III. Yuta #3- NATU-OK
A. Mao kini ang yuta nga adunay mga sapinitan ug mga tunok. “Ug ang uban nahulog sa kasapinitan, ug mitubo ang mga sapinit ug nagtabon ug naglumos kanila.” (Mat. 13:7). Unsaon sa mga tunok pagtuok sa mga tanom? Ang mga bunglayon maoy mailog sa tubig, mga pagkaon, ug silaw sa adlaw gikan sa tanom. Ang bunglayon motubo nga labaw kataas kay sa mga tanom nga buot nimo patuboon ug sila mahikawan sa silaw sa adlaw.
B. “Ug ang nahapugas sa kasapinitan; kini mao kadtong nagapatalinghug sa pulong, apan ang pag-atiman niini nga kalibutan ug ang limbong sa mga bahandi nagalumos sa pulong, ug mahimo siyang dili mabungaon.” (Mat. 13:22). Natu-ok sa kabalaka, bahandi ug mga kalingawan sa kinabuhi.
C. Ang atong gikinahanglan mao ang paglakaw sa dalan padulong sa kinabuhing dayon. Paggahin og panahon sa pagtuon sa imong Biblia. Ayaw tugoti ang mga butang sa kalibutan sa pagsalikway sa Pulong sa Dios. Ayaw tugoti ang mga butang niining kalibutana sa pagsalikway sa atong pagampo.
IV. Yuta #4- MAAYO HUMOK NGA KASINGKASING
A. “Apan ang uban nahulog sa maayong yuta, ug nagapamunga: ang uban, usa ka gatus; ang uban, kan-uman, ug ang uban katloan.” (Mat. 13:8). Ang kaluwasan anaa lamang sa ikaupat nga pundok, ang katapusang pundok.
V. Panapus
Ang kaluwasan maangkon lamang sa pundok nga magapamunga. Ania kita sa bulohaton sa pagpamunga. Nganong magpugas man kana nga maguuma nianang mais? Aron adunay bunga. Nganong magpugas man ang Dios sa ebanghelyo sa atong mga kasingkasing? Aron kita magapamunga. Mao kana ang tukma nga rason. Mapakyas kita kon wala kitay bunga sa pagtuman sa balaan nga mga pagpaabut sa maguuma nga mao ang Dios.
Ang bunga moabut gikan sa usa ka husto nga kadugtongan tali sa binhi, hayag sa adlaw, tubig, ug maayong yuta. “Busa tungod sa ilang mga bunga, maila ninyo sila” (Mat. 7:20). Ang matuod nga Cristohanon kanunay magapamunga.
Kon ang ebanghelyo ni Jesucristo makakaplag og usa ka mahumok, abli¬-madinawaton nga hunahuna ug kasingkasing walay kinutoban ang mga kahimoan. Ang binhi makabunga sa daw dili katuohan nga abut diha sa yuta sa usa ka natugyan nga kasingkasing. Mao kana ang atong kalabuton: sa pagpabilin sa pagtugyan.