ANG BIBLIA

ANG BIBLIA
1 Pedro 1:22-23

PANGABLI NGA HUNAHUNA
Ang Biblia usa ka libro nga walay katapusan nga maka-hatag og kinabuhi nga adunay gahum sa pagusab sa atong mga kinabuhi.
Biblia—Ang Pulong sa Dios…
Ang Biblia usa ka libro nga walay katapusan nga maka-hatag og kinabuhi nga adunay gahum sa pagusab sa atong mga kinabuhi.
I. LIBRO NGA MAKAHATAG OG KINABUHI
A. “Pagpakatawo pagusab, dili pinaagi sa madunoton nga Binhi , kondili sa dili madunoton, pinaagi sa pulong sa Dios.” Ang sa libro Dios nga Makahatag og Kinabuhi. Usa ka pinasahe nga Binhi nga dili madunot o mamatay kini maglungtad sa walay katapusan.
B. Usa kini ka buhi nga Libro. Buhi kini ug actibo—labi pang mahait kay sa bisan unsa ka espada nga duhay sulab. Usa kini ka libro sa kaluwasan, usa ka manual sa kaluwasan sa kalag. Kini adunay mensahe nga maka-hatag og kinabuhi. Magtudlo kini kanato ngadto sa kinabuhi nga makaplagan diha kang Cristo. Ang ubang mga libro gihatag alang sa atong kasayuran, ang Biblia gihatag alang sa atong kausaban. Basaha ang Biblia. Adunay gasa sa sulod nga walay bayad.
II. LIBRO SA KINABUHI NGA WALAY KATAPUSAN
A. Ang Biblia dili usa ka temporaryo, balasahon sa sugilanon nga binuhat lang sa tawo. Usa kini ka matuod nga sugilanon sa kinabuhi. Dili lamang kini matuod sa kinabuhi¬ – kini Kinabuhi nga Walay Katupasan (ber. 23, 24). Usa kini ka LIBRO SA KAHANGTURAN. Kini nagkinabuhi ug magapabilin sa walay katapusan. Makabarug kini sa pagsukod sa panahon. Walay petsa sa pagka-bahas. Molungtad kini sa kahangturan.
B. Ilustrasyon: Usa ka misyonero didto sa Abidjan, Ivory Coast, nagtaho niining bag-o nga usa ka African pastor miagi sa dalan padulong sa iyang balay ngadto sa Chad, diin nagpadayon ang gubat-sibil. “Unsay gusto nimo dad-on sa pagcompleto sa imong 40 libras nga baggage allowance?” nangutana ang misyonero. “Asucar? Pinulbos nga gatas? Medicina?”
“Kon mahimo nga makadaIa ko ug pila ka mga Biblia o pila ka maayong mga libro…” “Unsaon man niana?” nangutana ang misyonero.
“Sa among balay nawad-an kami sa tanang butang sa gubat, ug kami nakakaton sa pagbutang sa dili kaayo mahinungdanon nianang lumalabay lamang ug dugang nga kahinungdanon nianang molungtad. “Kini molungtad sa kahangturan. Pinaagi niini kita makabaton sa Kinabuhing dayon!
C. Ang Biblia maoy usa ka bintana nga pinaagi niini kita makalantaw sa etermdad. Kini maoy usa ka Libro nga Walay Katapusan nga magsulti kanato kon unsaon pagbaton sa Kinabuhing dayon. “Ang Biblia wala ihatag aron pagdugang sa atong kahibalo kondili sa pagusab sa atong mga kinabuhi.” D. L. Moody
III. LIBRO NGA MAKAPAUSAB SA KINABUHI
A. “Ingon sa mga bata nga bag-ong nangatawo, mangandoy kamo sa mainit gayud sa walay simbug nga gatas nga espirituhanon, aron magatubo kamo sa kaluwasan pinaagi niini.”(l Pedro 2:2). Ang Biblia Libro nga Makahatag og Kinabuhi; usa ka Libro nga Maka-pausab sa Kinabuhi; usa ka Libro nga Makatukod sa Kinabubi. “Pinaagi niini kita magatubo sa Cristohanong kinabuhi. Ang usa ka Biblia nga maayong pagkabasa maoy timaan sa usa ka kalag nga maayong pagkakaon.” Pakan-a ang imong kalag. Pakan-a ang imong pagtoo.
B. Ilustrasyon: Usa ka sugilanon gisugilon bahin sa usa ka gamay nga balangay sa mga mangingisda diin, sa daghang katuigan, usa ka panon sa mga langgam sa dagat nagkaon sa mga biya sa mga mananagat. Ang tanan maayo alang sa mga langgam hangtud sa katapusan hangtud ang pagpangisda dili na maayo ug ang mga namuyo mibalhin sa laing dapit sa baybayon nga maayong pangisda-an. Ang mga langgam wala mosunod sa mga mananagat ug tungod kay sila nagkinabuhi sa mga biya sa mga mananagat ug wala gayud makakaton sa pagkaon pinaagi sa ilang kaugalingon nga pamaagi silang tanan nangamatay. Ang mga tumotuo nga mokaon lamang kon unsa ang gitudlo sa uban ngadto kanila sama niining mga sea gulls o mga langgam nga mga buangon.
IV. Panapus
Ang Biblia makatabang sa pagpatubo sa atong pagtoo. Kini magsangkap kanato sa tanang maayong buhat. Ang Dili igo nga Pagkaon maghatud ngadto sa Ugoy nga Pag-tubo. Basaha kini. Tun-i kini. Tilawi kini. Kinabuhi-i kini. Ang malungtarun nga tabang dili makaplagan diha sa usa ka botelya kondili diha sa Biblia.
Ilustrasyon: Walay gymnasium sa among seminary campus, busa magdula kami og basketball sa publico nga tulonghaan sa duol. Ang janitor, usa ka tigulang nga negro nga puti na og buhok, mapailubon nga maghulat ilangtud nga ang mga seminarians mahuman pagdula. Sa kanunay molingkod siya didto nga magbasa sa iyang Biblia. Usa niana ka adlaw ako siya giduol ug gipa-ngutana, “Unsa may imong gibasa?”
Ang tawo wala lamang motubag, “Ang Biblia.” Kondili siya miingon, “Ang Libro sa Pinadayag.”
Uban sa gamayng katingala, akong gipangutana, “Ang Libro sa Pinadayag? Nakasabut ba ikaw niini?”
“Oo,” nagpasalig ang tawo kanako. “Naka sabut ako niini.”
“Imong nasabtan ang Libro sa Pinadayag! Unsa may gipasabut niana?”
Sa hinay kaayo mitubag ang tigulang nga janitor, “Kini nagkahulogan nga si Jesus maoy modaug.”