PAGSIMBA

Juan 2:23-24

PANGABLI NGA HUNAHUNA
Ang matuod nga pagsimba adunay pagtagad sa paghimaya sa Dios.
Ang pagsimba dili usa ka tawhanon nga inbento kondili kini mao ang balaan nga paghalad. Worth and ship=takus sa balan nga pagtahud ug pagpasidungog. Kon kita magsimba kita nagpamatuod sa bili sa Dios (Pin. 5:12-14). Ang pulong sa Biblia nga (Hebrew) kabod naghubad sa himaya nga nagkahulogan kadungganan o kabug-aton sa Dios. (Isa. 6:3). Ang N.T. Term Doxa = himaya = ang Dios takus sa pagdayeg ug pagpasidungog (Lukas 2:14).
Ang pagsimba sama ka natural alang sa tawo nga mo-ginhawa. Ang pagsimba alang sa Cristohanon maoy ingon sa makina alang sa usa ka cotse. Kini sa bug-os maoy kabahin nga dlii ikahiklin sa Cristohanong kinabuhi. Ang pagsimba maoy buhat sa pagpasidungog sa Dios tungod sa lyang dakung katakus nga pasidunggan.
I. Ang pagsimba maoy pagsaulog
A. Ang pagsimba kinahanglanon sa pagsaulog sa mga buhat sa Dios sa kasaysayan: (a) paglalang sa Dios (b) pagsangkap (c) pakigsaad ug pagtubos (d) pagsaulog sa kadaugan ni Jesus didto sa cruz batok kang Satanas ug sa sala. Ang pagsimba mao ang pagkinabuhi diha sa presencia sa Dios sa matag usa nga kasinatian.
II. Ang pagsimba maoy pakigsulti (Isaias 6:1)
A. Ang pagsimba mao ang pagpadayag ug pagtubag. Ang Dios maoy nag-una sa pagpadayag ug ang tawhanon nga pagtagad diha sa pagsimba. Si Moises nagingon, “Ako mao ang Dios sa imong amahan, ang Dios ni Abraham, ang Dios ni Isaac, ang Dios ni Jacob.” (Exod. 3:6). Ug si Moises nagtago sa iyang nawong, kay siya nahadlok sa pagtanaw sa Dios. Ang reaksyon ni Juan “Ug sa nakita ko siya, napukan ako nga daw patay diha sa iyang mga tiil. Ug gitapin-an niya ako sa iyang kamot nga too, nga nagaingon: Ayaw kahadlok, ako mao ang nahauna, ug ang naulahi” (Pin. 1:17). “Unya miingon ako: Alaut man ako! kay patay na ako; tungod kay ako usa ka tawo nga mahugaw ug mga ngabil, ug ako nagapuyo sa taliwala sa mga tawo nga mahugaw ug mga ngabil: kay ang akong mga mata nakakita sa Hari, si Jehova sa mga panon!” (Isa. 6:5). “Karon sa nagsulti pa siya kanako, ako nahinanok sa halalum nga pagkatulog nga ang akong nawong nagubo sa yuta; apan iyang gitandog ako, ug gipatindog niya ako.” (Dan. 8:18).
B. Ang Dios nagpadayag sa lyang kaugalingon ngadto sa mga magsimba pinaagi sa Biblia, sa Kinaiyahan ug pinaagi sa Espiritu Santo. Ang tawhanong pagtubag himoon pinaagi sa—mga pulong ug sa musica; pagsaulog ug pagtugyan. Ang pagsimba labaw pa kay sa pag-sinultihay. Usa usab kini ka panagkahibalag tali sa Dios ug sa tawo.
Kinahanglan ikaw adunay bag-ong pagpadayag bahin sa Dios kon ikaw anaa sa lyang presencia.
C. Ang pagila sa lyang pagkabalaan ug ang atong pagkadili-diosnon, si Pablo nagsulti, “Kanako, nga labing ubos sa labing ubos sa tanang mga balaan, gihatag kini nga gracia, sa pagwali ngadto sa mga Gentil sa dili¬ matugkad nga mga pagkadato ni Cristo.” (Efeso 3:8). “Pulong nga matinumanon, ug takus gayud nga paga-dawaton sa bug-os: nga si Cristo Jesus mianhi sa kalibutan sa pagluwas sa mga makasasala, nga kanila ako ang labaw.” (1 Tim. 1:15) Kon kita makaila sa lyang pagkabalaan atong maamgohan ang atong kakulangon, pagkadili takus. Ato Siya sultihan, “Balaan Ikaw Ginoo; salamat sa Imong pagtugot kanako sa pagsimba Kanimo.”
III. Paghalad
A. Ang katuyoan sa pagsimba dili una sa tanan ang pagdawat sa mga panalangin gikan sa Ginoo kondili sa paghalad ngadto sa Dios. Ang katawhan sa Daang Tugon naghatag sa halad pinaagi sa mga halad-nga¬ sinunog. “Ipahanungod ngadto kang Jehova ang himaya nga angay sa iyang ngalan: pagdala ug halad, ug dumuol ngadto sa iyang mga sawang.” (Sal. 96:8).
B. Paghalad og mga gasa diha sa matinudanon nga pagtoo ug hingpit nga pagtuman. Ang pagsimba labaw pa kay sa pagsulti, kini mao ang aksyon, kini mao ang pagbuhat diha sa pulong sa Dios pinaagi sa pagtoo. Ang Dios nagbuhat nganhi kanato busa kita kinahanglan magbuhat usab ngadto Kaniya(1 Ped. 2:5, Heb. 13:5). Ang pagsimba mao ang paghalad sa atong bug-os nga mga kaugalingon ngadto sa Dios.
Ang mga gasa sa gawas maoy mga sangputanan sa pagtugyan sa sulod. Ang labing hataas nga pagpahayag sa paghatag mao ang atong paghalad ngadto sa Dios. “Nagpakilooy ako kaninyo mga igsoon, pinaagi sa mga kalooy sa Dios sa paghalad sa inyong mga lawas ingon nga usa ka buhing halad, balaan ug madawat ngadto sa Dios, nga mao ang inyong espirituhanong pagsimba. Dili kamo magpahiuyon niining kalibutan kondili magusab kamo pinaagi sa pagbag-o sa inyong hunahuna, aron inyong mailhan kon unsa ang kabubuton sa Dios, kon unsa ang maayo ug madinawaton ug hingpit (Roma 12:1,2).
IV. Panapus
Ang Dios nagbuhat kanato sa pagsimba ug gisugo kita sa pagsimba usab Kaniya. Ang matuod nga pagsimba kinahanglan magsakop sa pagkatinuod kon kinsa ang Dios (Juan 4:24).
Ang pagsimba maoy usa ka pagpahayag sa pagdayeg gikan sa kasingkasing ngadto sa usa ka Dios nga nasabtan ug napadayag sa matuod.
Ang pagsimba maoy pagdawat sa pagpadayag bahin sa Dios ug dayon paghatag pagbalik sa paghalad alang sa IYANG pagkadaku ug sa Iyang himaya.