PAGTOO NGA NAGA-BUHAT OG MGA MILAGRO

PAGTOO NGA NAGA-BUHAT OG MGA MILAGRO
Mateo 8:5-13

PANGABLI NGA HUNAHUNA
Ang Dios maghatag og panalangin sumala sa atong pagtoo.
Kini nga centurion usa ka capitan sa Romanhon nga Kasundalohan ug ilalum sa iyang pagmando ang ginatusan ka mga tawo. Kini nga centurion mao ang usa ka sulogoon nga iyang gihigugma pagayo ug nag-masakiton sa grabe. Ang panginahanglan dinali-an kaayo ug daku kaayo ang kalisdanan nga gibati sa centurion nga usa lamang ka butang nga iyang mahimo. lyang hangyoon si Ginoong Jesus sa pagtabang kaniya sa pag-ayo sa iyang higala.
I. Ang iyang gihangyo (ber. 5-6)
A. Aniay usa ka kahimtang nga si Jesus lamang ang arang makatabang. Ang kahimtang malisud. dinali-an ang maong butang, busa kining Romanhon nga sundalo miabut ug nagpakilooy sa Ginoo sa pagtabang kaniya.
B. Tingali ikaw adunay pila ka dagkung panginahanglan. Tingahi ikaw adunay minahal nga nagmasakiton, usa ka suliran sa pamatigayon, usa ka dakung kalibug sa pag-atiman sa imong puloyanan, panginahanglan sa paninapi o sa espirituhariong butang. Imo bang gidala ang imong panginahanglan ngadto sa Ginoo?
II. Ang tubag nga lyang nadawat (ber. 7)
A. Wala gayud magalang-alang ang Ginoo! Ug dihadiha lyang gihatag ang lyang pulong sa pagingon. “Segi. Moadto ako, ug ako siyang ayohon.” Kini nagpakita kanato sa pagtagad sa Ginoo sa tanan nga moduol Kaniya uban sa ilang panginahanglan.
B. Ayaw pagduhaduha sa pagdala ngadto kaniya sa imong tanan nga panginahanglan. Siya moingon kanato, “Akong buhaton…..(ber. 7), ug kita makasinati sa tubag sa atong panginahanglan.
III. Ang Pagtoo nga lyang Gipakita (ber. 8-9)
A. Adunay tutulo ka mahinungdanon nga mga butang nga atong timan-an:
1. Nahauna, ang pagangkon sa tawo sa iyang pagkadili-takus. Si Lukas naghatag kanato sa makapasibut nga pasiklap—tanawa sa Lukas 7:67. Dili maayo alang kanato ang pagduol Kaniya sa pagbati nga kita adunay maayong mga nabuhat sa atong kaugalingon.
2. Ang ikaduhang butang nga timan-an mao ang dakung pagtoo sa tawo. Miingon siya sa Ginoo, “Ginoo, isulti lang ang Imong pulong ug ang milagro moabut …. Makahimo Ikaw pag-ayo uban sa usa ka pulong, bisan gikan sa halayo.”
3. Ang ikatulong butang, timan-i ang maalamon nga pangatarungan sa tawo (ber. 9). Ang centurion dili lamang adunay kagahum ibabaw sa usa ka gatus ka mga sundalo, kondili ilalum usab siya sa usa ka gahum, ug iyang giila nga si Jesus diha sa sama nga kahimtang ug sa laktud giila sa Ginoo ang dakung pagtoo niining tawhana.
IV. Ang pagdayeg nga lyang nadunggan. (ber. 10-12)
A. Siya usa ka Romanhon nga sundalo, usa ka Gentil, nga adunay labaw ka daku og pagtoo kay sa daghan nga mga Judeo, ug sa laktud si Jesus nagsugod sa pagdayeg sa tawo tungod sa iyang dakung pagtoo sa iyang pagka-hibalo dayon nga ang iyang pagampo gitubag ug nga ang iyang higala ma-ayo.
B. Ngano man nga dili kita mosalig Kaniya sa dugang pa? Kita adunay labaw pa sa pagpadasig kanato kay sa gibatonan sa centurion.
V. Ang milagro nga lyang nasaksihan (ber. 13)
A. Ang gisulti ni Jesus ngadto sa tawo, “Sumala sa inyong pagtoo, mao ang pagabuhaton kaninyo” (Mat. 9:29). Sa usa ka pagkasulti, ang sukod sa atong pagtoo maoy magagad sa sukod sa panalangin sa Dios nga ibubo sa atong mga kinabuhi, kay ang Dios makigtagbo kanato ug magpanalangin kanato sumala sa atong pagtoo.
B. Ang centurion adunay dakung pagtoo, ug siya atong mahulagway sa iyang pagpauli sa iyang puloyanan. Nahibalo siya nga ang tanan mamaayo ug sa iyang pagabut sa maong dapit iyang nakaplagan ang “iyang sulogoon nga na-ayo sa mao nga takna”; nga ang milagro miabut sa diha nga ang Ginoo nagsulti sa pulong sa pag-ayo.
VI. Panapus
Atong pasalamatan ang Dios nga kita adunay usa ka Manluluwas nga makadala sa atong mga lulan, sa atong mga kasubanan, sa atong mga balatian, ug sa atong mga pagkasagmuyo. Siya andam sa pagtubag sa atong mga pagampo. Makaduol siya Kaniya maingon nga kita makaduol usab. Ang cen¬turion miingon sa iyang kaugalingon, “dili ako takus.” Ang iyang kasingkasing natandog pinaagi sa kalooy ni Cristo. lyang nakita ang iyang pagkadili takus; apan wala siya mahadlok sa pagpangayo og panabang. Wala siya mosalig sa iyang kaugalingong pagkamaayo. Ang iyang pagtoo nagkupot kang Cristo sa lyang matuod nga kinaiya. Wala siya motuo Kaniya ingon nga usa lamang ka magbubuhat og mga milagro, kondili ingon nga Higala ug Manluluwas sa mga tawo.