PAGLAKAW UBAN SA DIOS

PAGLAKAW UBAN SA DIOS
Genesis 5:21-24

PANGABLI NGA HUNAHUNA
Ang matuod nga piniyalan sa Dios mao ang hingpit nga pagsalig.
Usa sa labing daku nga mga hagit mao ang pagpangita sa igo nga panahon alang nianang mahinungdanon. Nakasulay ka ba sa paginusara uban sa Dios? Sa panahon nga kita maginusara lamang uban sa Dios nga Siya maka-himo sa paghulma kanato ngadto sa usa ka butang nga Iyang magamit. Sa Biblia, si Enoc gihulagway ingon nga usa ka tawo nga naglakaw kauban sa Dios (Gen. 5:21-24). Kining paglakaw uban sa Dios misangput nianang usa ka pagkasuod sa pagkaagi nga siya gikuha sa Dios.
“Tungod sa pagtoo si Enoc gilalin aron dili siya makakita sa kamatayon, ug wala siya hikit-i kay gilalin man siya sa Dios; kay siya may pagpamatuod nga gihimo mahitungod kaniya nga nakapahimuot sa Dios.” (Heb. 11:5). Tungod kay si Enoc naglakaw kauban sa Dios nakabaton siya sa kinaiya nga nakapalalin kaniya ngadto sa langit. Nagsulti si Pablo nga si Enoc nakapahimuot sa Dios. Unsaon nato pagkabaton niini nga kinaiya?
I. Karon mao ang Panahon
A. Nagpuyo si Enoc sa wala pa ang Lunop, usa ka panahon nga dautan kaayo ang yuta nga gikinahanglan sa Dios ang paghinlo sa yuta sa matag usa ka butang. Kadto nga panahon dili na angayan alang sa pagugmad sa Cristohanong kinaiya maingon man sa atong panahon karon, apan atong mabasa nga si Enoc naglakaw uban sa Dios. Si Cristo mao gayud ang Manluluwas ni Enoc maingon nga Siya mao ang atong Manluluwas, ug diha sa lyang gahum bisan pa sa kadautan niadtong nagkadunot nga kaliwatan, si Enoc nakabaton sa usa ka hingpit nga Cristohanong kinaiya. Ang tingog nagsulti kanato, “Siya nga mosunod Kanako dili magalakaw sa kangitngit Akong gisulti ang sama nga mga pulong ngadto kang Enoc, sa pagpasalig kaniya nga kon siya nagsunod sa Manluluwas, dili siya magalakaw diha sa kangitngit sa pagka-walay alamag.”
B. Ang paggahin og panahon sa paginusara uban sa Dios sa matag adlaw makatabang kanato sa pagsabut sa atong kaugalingon sa paagi nga makapatubo kanato diha sa gracia sa Dios. Ang usa ka suod nga kadugtongan nag-kinahanglan sa pagtugyan. Kon kita maginusara kauban sa Dios, Siya maghatag kanato sa lyang gracia sa pag-hatag kanato sa kadaugan batok sa sala.
II. Ang Panig-ingnan ni Jesus
A. Kon kita maginusara kauban sa Dios, kita magsunod sa panig-ingnan ni Jesus. Ug sayo sa kabuntagon, samtang ngitngit pa. Siya mobangon ug molakaw sa gawas ngadto sa usa ka mamingaw nga dapit, ug nag-ampo didto (Markos 1:35). Walay lain nga kinabuhi nga puno kaayo sa bulohaton ug katungdanan nga sama kang Jesus; apan Siya sa kanunay nakaplagan diha sa pag-ampo! Daw unsa ka makanunayon ang lyang pakigsulti sa Dios!
B. Kon si Jesus nagkinahanglan sa pakigsulti sa lyang Amahan matag adlaw, daw unsa pa kadaku ang atong kinahanglan sa panahon uban sa atong Langitnong Amahan. Sama kang Jesus, kinahanglan makargahan ang atong bateria sa matag adlaw. Atong gigasto ang hilabihan ka daghan sa atong panahon alang sa pag-atiman sa atong lawasnon nga mga panginahanglan: pagkaon, bisti, puloyanan, lulinghayaw. Kinahanglan usab kita maggasto og panahon alang sa mga pangi-nahanglan sa atong mga kalag. Pinaagi sa pagtuon, pagbasa, pamalandong, ug paghandum sa Dios, sa lyang Pulong, ug sa lyang plano sa kaluwasan kita makahimo sa pagpalambo sa atong kadugtongan sa Dios sa matag adlaw. Mao kini ang paglakaw nga maginusara uban sa Dios.
III. Ang Kalipay sa Pagpabilin diha Kaniya
A. Ang atong panginahanglan alang sa Dios nahulagway sa labing maayo pinaagi sa pagkadugtong sa punoan sa paras ug sa mga sanga sa Juan 15. Si Jesus nagsulti kanato nga kinahanglan kita magpabilin diha Kaniya ug Siya dinhi kanato aron kita makabaton sa usa ka mabungaon nga kinabuhi. Ang pagkaon nga atong makuha gikan kang Jesus kinahanglan makanunayon aron kita dili malayang mamatay. Kon kita magpabilin nga nadugtong ngadto kang Jesus, magkuha sa pagkaon ug kusog gikan Kaniya, kita magmabungaon ug makahimaya Kaniya. Wala nay lain nga labaw pa ka maayo nga paagi sa pagpabilin diha kang Cristo kay sa pagpalandong sa lyang kinabuhi ug pagministeryo. Maayo ang paggahin og usa ka takna sa mahunahunaon matag adlaw sa pagbag-o sa atong panumduman sa kinabuhi kang Cristo gikan sa pasongan ngadto sa Calbaryo.
IV. Panapus
Sagad malisud ang pagpangita og panahon sa paginusara uban sa Dios. Samtang kita magdali sa matag adlaw, mahinungdanon ang pakigsuiti sa Dios ug pagpama-landong sa lyang Pulong, ug pagsunod sa lyang mga plano alang kanato. Kay ako nahibalo sa mga plano nga akong giplano alang kaninyo, nagaingon si Jehova, mga plano alang sa kaayohan ug dili alang sa kadautan sa paghatag kaninyo sa usa ka kaugmaon ug sa usa ka paglaum. “Ug kamo managpanggilaba kanako, ug kamo moadto ug manag-ampo kanako, ug ako magapa-talinghug kaninyo. Ug kamo mangita kanako, ug makakaplag kanako, sa diha nga kamo mangita kanako uban ang inyong bug¬os nga kasingkasing, ug ako hikaplagan ninyo, nagaingon si Jehova, ug akong bakwion ang inyong pagkabinihag” (Jer. 29:11-13).