ANG MAPAHULAYON SA PAGDAPIT NI CRISTO

ANG MAPAHULAYON SA PAGDAPIT NI CRISTO
Mateo 11:28-30

PANGABLI NGA HUNAHUNA
Si Jesus nagdapit kanato sa pagduol Kaniya, sa pagtuon ug pagpahulay.
“Umari kanako kamong tanan, nga gikapuyan ug gibug-atan, ug papahulayon ko kamo. Isangon ninyo ang akong yugo kaninyo, ug magtuon kamo kanako; kay ako ma-aghop ug mapainubsanon sa kasingkasing, maka-kaplag kamo ug pahulay sa inyong mga kalag. Kay ang akong yugo masayon ug magaan ang akong lowan.”
Aron kita makasabut sa dakung pagdapit ni Cristo kinahanglanon alang kanato ang pagbahinbahin niini nga mensahe ngadto sa upat ka bahin.
I. Moduol ngadto kang Cristo (ber. 28)
A. Ang pagdapit ni Cristo dinhi mao ang pagduol. Ngano kaha nga Siya naghatag kanato niini nga pagdapit sa pagduol ingon nga mga Cristohanon? ‘Daghan ang nakadungog niini nga pagdapit samtang sila nangandoy alang sa pahulay, apan nagpadayon sa paglakaw sa batoon nga dalan, naggakus sa ilang mga lulan suod sa ilang kasingkasing. Si Jesus naghigugma kanila, ug naghandum sa pagdala sa ilang mga lulan ug sa ilang mga kaugalingon usab sa lyang kusgan nga mga bukton. lyang kuhaon ang mga kahadlok ug ang mga walay kasigurohan nga nagkawat sa ilang kalinaw ug pahulay; apan kinahanglan sila moduol una ngadto Kaniya.”
B. Unsa man ang imong pakigbisug niining bag-o? Si Jesus nagingon, Umari ka! Unsa nga lulan imong gidala nga wala mahibalo-i sa uban? Si Jesus miingon, Umari ka! Ang ikaduhang bahin sa pagdapit ni Cristo mao…
II. Isangon ang lyang Yugo (ber. 29)
A. Ang pagsul-ob sa yugo ni Cristo nagkahulogan sa pagbuhat sa lyang mga bulohaton, sa pakig-combiya Kaniya sa lyang mga pagantus ug mga paghago alang sa katawhan.
B. Sa pagdawat sa yugo ni Cristo sa pagbadlong ug pagtuman, imong makaplagan nga kini maoy labing dakung tabang alang kanimo. Ang pagsul-ob niini nga yugo magpaduol kanimo sa kiliran ni Cristo, ug Siya ang magdala sa labaw ka bug-at nga bahin sa lulan.
C. Ang yugo ug ang cruz mga simbolo sa mao ra nga butang—ang pagtugyan sa kabubuton ngadto sa Dios. Ang kinabuhi ni Cristo mao ang pagantus sa kaugalingon ug pagdumili sa kaugalingon, kinahanglan kini magtuon sa kaisug, pagpailub, kalig-on, ug mapinasayloon nga gugma… Kon kita adunay pagtoo diha kang Jesus ingon nga atong katabang, kon ang atong mga mata sa pagtoo itutok ngadto Kaniya sa kanunay, kita mahimong sama kang Jesus sa kinaiya.
III. Sinati-a ang Matuod nga Pahulay (ber. 29)
A. Gikapoyan ba ikaw sa imong lawasnon nga kahimtang? Mahimo ba nga kapoyan kita sa espirituhanon nga kahimtang? Tinuod nga si Jesus nagsulti dinhi nga kon kita Moduol Kaniya, ug magsangon sa lyang yugo. Kon kita magtuon Kaniya. . . . ang sangputanan mao nga kita makakaplag sa PAHULAY alang sa atong mga kalag. Gibug-atan ka ba sa espirituhanon nga kahimtang? Gikapuyan ka ba sa espirituhanon nga kahimtang? Ang dakung pagdapit ni Cristo nagingon… Umari, Isangon, Magtuon, ug kamo makakaplag og PAHULAY!
B. Unsa nga “pahulay” ang gisaad?¬ Kini mao ang pagkaamgo nga ang Dios matuod, nga dili gayud Siya magpakyas sa tawo nga moduol ngadto Kaniya. Ang lyang pasaylo hingpit ug walay bayad, ug ang lyang pagdawat nagkahulogan og pahulay ngadto sa kalag, pahulay diha sa lyang gugma.
IV. Panapus
Unsay buot nga buhaton sa Dios sa mong kinabuhi? Dumuol, isangon, magtuon, pahulay. Si Jesus lamang ang makatagbaw sa atong lawasnon ug espirituhanong pangi-nahanglan. Dumuol ka Kaniya pinaagi sa pagampo ug pagtuon sa Biblia ug sinati-a ang tinuod nga pahulay. Si Jesus, ang atong maloloy-on nga Manluluwas, mao ang dalan, ang kamatuoran, ug ang kinabuhi. Nganong dili man nato dawaton ang lyang madagayaon nga tanyag sa kalooy, magtuo sa lyang mga pulong sa saad, ug dili maghimo sa dalan sa kinabuhi nga malisud kaayo?