ANG CRISTOHANONG GIYA NGADTO SA KAALAM

ANG CRISTOHANONG GIYA NGADTO SA KAALAM

PANGABLI NGA HUNAHUNA
Ang matuod nga kaalam nagagikan sa Ginoo.
Ang mga Cristohanon kinahanglan maglakaw pinaagi sa kaalam samtang sila magkinabuhi (Efeso 5:15-17). Tungod kay lumalabay lamang ang panahon ug dautan ang mga adlaw, ang mga Cristohanon kinahanglan maggamit sa labing maayo sa ilang panahon. Daghan kaayo sa mga tawo niining panahona nagusik sa ilang panahon ug sa ilang kinabuhi sa ilang pagpakyas sa paggamit sa kaalam matag adlaw.
Tungod kay ang Pulong sa Dios nagangkon sa pag-sangkap sa tawo ngadto sa matag usa ka maayong buhat (2 Tim. 3:16, 17), natural lang ang pagtuo nga kini mag-hatag kanato sa maayong tambag alang sa pagkinabuhi sa matag adlaw.
Ang katuyoan niini nga mensahe mao ang pagpaila sa libro sa mga Proverbio ingon nga tuburan sa dakung kaalam ug sa pagdasig sa mga Cristohanon sa paggamit niini nga tuburan sa ilang mga paningkamot sa paglakaw nga maalamon.
1. Ang Katuyoan sa Libro
A. Ang katuyoan sa Proverbio gipahayag sa unang unom ka mga capitulo sa libro: Sa pagkahibalo sa kaalam ug pagtudlo; sa pagila sa pulong sa pagsabut; ug sa pag-dawat sa pahimangno sa kaalam, justicia, paghukom, ug panagka-angay.
B. Busa ang libro gimugna sa paghimo kanato nga maalamon, sa pagtudlo kanato kon unsaon pagbuhat nga maalamon ug sa matarung, ug pagtabang kanato sa pag-tagad sa uban sa makiangayon. Nagutmong usab kini sa paghatag og pagsabut sa mga walay alamag, maayong tambag ngadto sa mga batanon ug kaalam ngadto sa mga maalamon.
II. Ang definition ug bili sa kaalam
A. Ang kaalam madefine ingon nga “usa ka tinudanay nga pagtagad sa suliran sa kinabuhi” (20th Century Encyclopedia of Religious Knowledge). Si Homer Hailey naghatag niining defini¬tion sa kaalam: “Ang kaalam mao ang pagtanaw sa nagpailum nga mga hinungdan ug sa kahulogan o sa mga sangputanan sa mga butang, nga ang maong pagtanaw makahimo sa usa ka tawo sa pag-gamit ngadto sa labing maayo ug sa kaalam nga iyang nabatonan.”
Sa pagillustrate: Ang imong boss, kapares, o igsoong lalaki kang Cristo mosinggit kanimo. Maka-react ikaw sa daghang paagi, apan ang kaalam maoy pagsabut nga makatabang kanimo sa pagdecider kon unsay labing maayo nga imong buhaton. Ang kaalam makatabang kanimo sa pag-react sa husto nga paagi.
B. Ang unsang siyam ka capitulo sa libro sa mga Proverbio mga pamahayag sa pagtuboy sa bili sa kaalam. Ang kaayohan sa kaalam makita sa mahimo sa ma-uswagon nga kinabuhi (Prov. 3:13-18). Ang kaalam usab magbantay kanato batok sa daghang mga kapakyasan (Prov. 3:21-26).
Ang uban sa mga kapakyasan mao ang:
• Dautan nga pakiguban (Prov. 1:10-19).
• Imoralidad (Prov. 5:1-14). Ang kadugtongan tingali makalingaw ug dili makadaut, apan ang imoralidad mao ang usa sa labing dali nga makaguba sa tawo sa lawasnon, sa pagbati, ug sa espirituhanon!
• Bug-os nga pagkaguba. Ang kaalaman nagpakita kanato sa labaw pa ka maayo sa kinabuhi.
III. Ang Bili sa Libro sa mga Proverbios
A. Ang kaalam sa normal mabatonan sa usa o duha ka mga paagi:
1. Pinaagi sa pagsulay ug sa sayop. Makapasubo, nga kini mao lamang nga paagi ang daghang mga tawo makabaton og kaalam, ug kana kon makalatas sila sa ilang mga sayop!
2. Pinaagi sa kasinatian sa uban. Kon ang usa ka tawo gusto lang motuman sa sumbanan sa uban, siya ma-kalikay sa pagbuhat sa sama nga sayop. Adunay tinaw nga mga bintaha sa pagbaton og kaalam niini nga paagi. Imong masinatian ang kinabuhi nga mahaw-asan sa – lulan sa mga sangputanan sa sayo nga mga sayop.
B. Ang kaalam sa uban maoy nakahimo sa libro sa mga Proverbios nga bililhon kaayo. Imbis nga magusik sa atong panahon dinhi sa yuta pagsulay sa pagdiscobre sa kaalam pinaagi sa proceso sa pagsulay ug pagkasayop,
makalaktud kita padangop sa mga Proverbio. Diha atong makapiagan ang kaayo nga dinasig sa Dios ug napa-matud-an nga tinuod sa mga kaliwatan sa matarung nga mga lalaki ug mga babaye nga nagkinabuhi sumala sa pagtulonan nga makita dinhi.
Oo, ang bili sa libro sa mga Proverbios mao nga kini naghatag sa kaalam sa Dios mismo! Dili kini ingon nga sayon ang pagpanghagdaw og kaalam (Prov. 2:1-6). Apan alang niadtong nagtanaw ngadto sa Dios pinaagi sa Iyang Pulong ug sa pagampo (Sant 1:5-8), ang Dios nagsaad nga ang kaalam igahatag kanila.
IV. Panapus
Ako naglaum nga kini nga mensahe magdasig kaninyo sa pagtuon sa libro sa mga Proverbios aron sa pagpang-hagdaw sa mga bahandi sa kaalam niini. Kon wala si Jesucristo sa imong kinabuhi, walay paagi sa pagka-himong tinuod nga maalamon.