KAALAM SA PAGPILI OG MINYOAN

KAALAM SA PAGPILI OG MINYOAN

PANGABLI NGA HUNAHUNA
Pinaagi sa pagsunod sa tambag sa Dios makakaplag kita og maayo nga kauban sa kinabuhi.
Ang libro sa mga Proverbios tungod kay kini nagsangkap og kaalam gikan sa Dios sa paggiya kanato sa matag bahin sa atong mga kinabuhi. Bisan bahin sa pamilya, patigayon, social, o espirituhanong kadugtongan, atong makaplagan ang dinasig nga tambag nga makahimo kanato sa paglakaw diha sa kaalam, “Nga manapahimulos sa kahigayonan kay ang kapanahonan karon puno na sa kalisadanan” (Efeso 5:15-17).
Ang katuyoan niini nga mensahe dili maoy halalum nga pagtuon sa mga Proverbios, kondili sa pagpakita sa pila ka mga leksyon sa pagka-practical niini sa pagsangkap og kaalam alang sa mga Cristohanon karon.
I. Tambag sa pagpili og asawa
A. Daghang kalipayan sa kinabuhi nagsandig sa pagpili sa husto nga asawa (Prov. 12:4). Ang maayong asawa dakug mapalambo sa kinabuhi sa iyang bana, apan ang dili husto nga asawa makaguba sa usa ka lalaki gikan sa sulod-paggawas! Binoang ang panghunahuna nga ang sayop niining bahina sayon ra mausab ngadto sa pagka-husto.
Daghang mga tawo naghunahuna nga ang debursyo maoy usa ka sulbad, apan gidumtan sa Dios ang debursyo (Mal 2:16), ug ang pagminyo pagusab dili maayo nga kapilian alang sa tinonan ni Cristo (Mat 19:8, 9); kon mao kini ang mahitabo, kon may mga anak kamo, ang inyong kanhing asawa sagad maoy mahimong inahan sa inyong mga anak (Alang sa kasayon ug kalisud!).
B. Pila ka mga giya alang sa pagpangita og maayong asawa
1. Pangayo og tabang sa Dios (Prov. 19:14). Ang kalampusan niini nga pangindahay magasandig sa labi ka daku sa Dios kay sa atong paghunahuna! Tungod sa ka-serioso niining butanga, dili kita mangahas sa pagbuhat niini nga maginusara.
2. Ayaw ibutang ang unang pagtagad sa maayong panagway lamang (Prov. 31:30). Ang katahum sa panit lamang ug umalagi lang; usa kini ka dili lig-on nga pa-tukoranan diin tukoron ang kadugtongan sa tibuok kinabuhi. Makapasubo, ang kadaghanang pagminyo gitukod labaw lang og gamay sa lawasnong kama-danihon. Sa baylo niini pangitaa kini nga kinaiyahan sa usa ka babaye:
a. Mahinadlokon sa Ginoo (Prov. 31:30). Kana nga babaye nagbaton sa sinugdanan sa kaalam (1:7). Ang pagbaton og usa ka asawa nga debotado nga Cristo-hanon, kinahanglan maoy maguna sa pagtagad.
b. Ang pagpili (Prov. 11:22). Mao kini ang katakus sa pagbuhat sa husto nga butang sa husto nga panahon. Kon wala kini, walay pulos ang katahum ug mahimo gani nga hinungdan sa pagtamay.
c. Kaalam (Prov. 14:1). Ang usa ka asawa uban niini nga kaayohan makatabang sa iyang bana sa pagtukod og usa ka maayong puloyanan. Kon walay kaalam, iyang ma-pahuyang ang mga paningkamot sa iyang bana.
3. Likaye ang babaye nga palaaway ug malalison! Maayo pa nga dili magminyo ug maginusara kay sa magminyo sa dili husto nga kauban. Ang pagminyo sa usa ka diosnon nga babaye, hinoon, usa kini nga matahum nga pa-nalangin gikan sa Ginoo (Prov. 18:22). Pinaagi sa pag-sunod sa tambaga sa Dios gikan sa libro sa mga Proverbios, atong madugangan ang mga higayon sa pagpangita og maayo nga kauban sa kinabuhi. Mao man usab ka tinuod kini alang sa usa ka babaye sa pagpangita og maayo nga bana.
II. Tambag sa pagpili og bana
A. Daghang mga paagi ang pagkahibalo bahin sa usa ka lalaki:
1. Unsay iyang tinagdan sa mga mananap? Magpadayag kini bahin sa iyang kinaiya (Prov. 12:10).
2. Maminaw ba siya sa mga tambag sa uban? Magtug-an kini kanimo kon usa ba siya ka boangon o maalamon (Prov. 12:15).
3. Unsang klase sa iyang mga kaubanan? Kon makigipon sa sayop nga pundok, tingali madaut ka uban kanimo (Prov. 13:20).
4. Madali-dalion ba siya masuko o usa na siya ka tawo nga masinabuton? (Prov. 14:29).
5. Unsaon niya pagpangita sa iyang panginabuhi-an? Mahimong mapanalanginan ka o matunglo pinaagi sa iyang mga desisyon sa pagtigayon (Prov. 15:27).
6. Magbati siya nga kinahanglan sa kanunay magpahayag sa iyang opinion? Kon mao, nakulangan siya sa kahibalo ug calmado nga espiritu (Prov. 17:27,28).
7. Maoy pagbati ba siyag kalooy sa mga kabus? Kon mao, ang iyang mga pagampo matubag (Prov. 21:13).
III. Panapus
Usa sa labing mahinungdanon nga mga desisyon sa kinabuhi mao, ang pagpili og husto nga minyoan. Ang debursyo ug pagminyo pagusab dili maoy kapili-an sa matinumanon nga Cristohanon, gawas sa usa ka hinungdan (Mat. 19:9). Kinsa may mahimong amahan o inahan sa inyong mga anak? Kini nga pagpili dili na mausab human matawo ang inyong mga anak. Mangahas ba kita sa paghimo niana nga desisyon nga walay pag-sanghid sa kaalam nga makaplagan diha sa Pulong sa Dios? Kini sa tinuod dili makapahurot sa tanan nga gisulti sa Biblia bahin sa pagpili og minyoan, apan ang tambag sa Dios practical gyud kaayo ug takus sa atong maminatngonon sa pagtuon ug sa pagpahinungod sa atong mga kinabuhi. Puili-a ang pagsunod kang Jesus ug patabang Kaniya sa paghimo niining importante nga desisyon.