UNSAON PAGPALIG ON SA IMONG PAGTOO

                UNSAON PAGPALIG ON SA IMONG PAGTOO

                                         Santiago 1:18-25

PANGABLI NGA HUNAHUNA

Atong mapalig-on ang atong pagtoo pinaagi pagpaminaw ug pagbuhat sa pulong sa Dios.
Kon unsaon nato pagtagad ang kamatuoran maila kon unsaon nato pagtagad ang mga pagsulay ug usab ang mga pagtintal. Ang gipaambit ni Santiago bahin sa kamatuoran gipasantup diha sa bersiculo 18. Gipakita ni Santiago kanato dinhi “Kon unsaon nato pagpalig-on sa atong pagtoo”. Si Santiago naingon nga kinahanglan adunay sa nahauna nga:
I. Pagkaandam sa Pagpaminaw sa Pulong sa Dios (ber. 19)
A. Kon unsaon nato pagpaminaw adunay kalabutan sa atong pagtoo. Ang pagtoo moabut pinaagi sa pagpaminaw sa pulong sa Dios (Roma 10:17). Aron makabaton sa pagtoo kinahanglan ang pagpaminaw sa pulong.
B. Ang tuburan sa atong pagka-andam sa pagpaminaw adunay dakung kalabutan kon mapalig-on ba o mapakyas ang atong pagtoo. Nagpasabut si Jesus nga makadangat kita sa pagtoo pinaagi sa pulong pagpamatuod) sa mga apostoles (Juan 17:20). Nagbasa ka ba sa imong Biblia matag adlaw?
C. Adunay tulo ka matang sa mga maminaw: kadtong hinay makasabut, pili-an kon unsa ang ilang paminawon ug ang maminaw sa pagpangita sa kamatuoran. Buot sa Dios nga kita maminaw sa pulong sa Dios kay nangita man kita sa kamatuoran.
II. Kuhaa Kanang mga Butang nga Makababag (ber. 21)
A. “Ihiklin ang tanang kahugawan ug pag-awas sa pagkadautan.” Kini nga mga babag dinhi maoy gitawag ni Santiago nga naga-awas sa pagka-dautan (Si Santiago nagingon nga kuhaon kanang salin). Usahay ang atong paghinulsol, ang atong pagbulag sa nangagi, dili kaayo hingpit sumala sa gikinahanglan. Kon aduna pa nasalin nga naglangay sa atong kinabuhi dili gayud molambo ang atong pagtoo.
B. Nag ingon si Santiago nga kinahanglan atong isalikway o ihiklin kini nga sala (sama sa usa ka tawo nga nagahukas sa usa ka hugaw nga bisti – isalikway kini).
C. Adunay duha ka butang nga gikinahanglan sa pagkuha niini (kining pagsalikway o paghiklin). Magsugod kini sa atong pagtuman sa ebanghelyo (Col. 2:11, 12). Ikaduha nagkinahanglan kini sa nagpadayon nga pagtagad sa matag usa ka tawo (Col. 3:8). Apan dili kita makahunong diha, matud ni Santiago kon gusto kita maglig¬on sa atong pagtoo kinahanglan nga kita.
III. Modawat sa Pulong Sulod sa Atong mga Kasingkasing (ber. 21 dawaton uban sa kaaghop ang natanum nga pulong).
A. Aron nga makadulot kanato ang pulong kinahanglan itanum kini dinhi kanato. Ang ideya sa pagtanum mao nga mahimo kining dayon nga kabahin sa atong mga kinabuhi ingon nga kabuyoan o tabang kanato. “Ang imong pulong akong gitipigan sa akong kasingkasing, aron ako dili makasala batok kanimo.” (Sal. 119:11). Kon ang pulong matanum sa usa ka maayo ug matinudanon nga kasingkasing magapamunga kini.
B. Aron makadangat ang pulong sa atong kasingkasing kinahanglan atong dawaton kini uban sa husto nga pagtagad. Kinahanglan kita magbati og kagutom alang sa Pulong sa Dios. Kinahanglan ang batasan sa pagpaubos (kaaghop). Si Santiago nagingon nga aron mapalig-on ang atong pagtoo kinahanglan kita.
IV. Motagad sa Gisulti sa Dios (ber. 22 kinahanglan managtuman kamo sa pulong dili kay igo lang maminaw)
A. Mahimo nga maminaw ka sa pulong, mahimo gani nga imong pasudlon kini sa imong kasingkasing, apan hangtud nga imo kini tumanon dili gayud mouswag ang imong pagtoo. Ang mga kabulahanan naghulagway sa mga kinaiyahan sa mga tinonan nga nabulahan apan walay gahum kon wala kini batoni. Ang tawo mahimong mahibalo nga ang kaluwasan anaa kang Cristo apan hangtud nga sila moduol ug motahan sa ilang kinabuhi anaa gihapon sila sa sala.
B. Daghan ang nagpaabut nga mahitabo ang usa ka butang nga sila sa ilang kaugalingon nababagan (napakyas sila sa pagtuman/pagkinabuhi niini).
C. Ang malimtanon nga mga tigpaminaw dili gayud magpalig-on sa ilang pagtoo. Mapakyas sila sa pagsukod o mahulog sila kon sulayan!
V. Panapus
Pinaagi sa pagsunod niining upat ka mga principio sa atong mga kinabuhi ang pagtoo magkinahanglan og usa ka dapit diin molambo ang pagtoo! “Kining maayong balita ni Cristo, mao ang gahum sa Dios ngadto sa pagluwas sa matag usa nga magatuo, alang sa mga Judio una ug sa mga Grecianhon usab. Kay diha sa pagkamatarung sa Dios napadayag gikan sa pagtoo ngadto sa pagtoo” (Roma 1;16-17). Ang pagtoo dili gayud hingpit matapus niining kinabuhi-a samtang kita magkinabuhi pa kinahanglan magpadayon kita sa pagtubo. Kining tanan magasugod sa unang lakang sa pagdaway sa kapasayloan sa atong mga sala!