PANGABLI NGA HUNAHUNA
Ang Dios makapa¬saylo kanato bisan unsa kadagku sa atong mga sala kon magampo kita uban sa pagpaubos.
Kadaghanan kanato labaw pa ka maayo sa pagpangatarungan bahin sa atong mga sala ug sa mga kapakyasan kay sa atong pagsugid kanila. Dali kita motudlo sa mga sayop sa uban, apan maglisud kita sa pagangkon sa atong mga sala. Atong tanawon ang unom ka mahinungdanon nga mga kamatuoran bahin sa epektibo nga pagampo gikan kang profeta Daniel.
I. Pagampo sumala sa tugon sa Biblia (mga ber. 1-2)
A. Tanawa ang mga bersiculo 1 ug 2: “Sa nahaunang tuig ni Dario, ang anak nga lalake ni Asuero, sa kaliwat sa mga Medianhon, nga gihimong hari sa tibook gingharian sa mga Caldeahanon. Sa nahaunang tuig sa iyang pagmando, ako si Daniel nakasabut pinaagi sa mga basahon sa gidaghanon sa mga tuig nga tungod niana miabut ang pulong ni Jehova kang Jeremias nga manalagna, mahitungod sa pagkatuman sa pagkalumpag sa Jerusalem, bisan sa tapus ang kapitoan ka tuig.”
B. Iyang giila nga ang iyang katawhan adunay tulo nalang ka tuig ngadto sa pagpauli ngadto sa Jerusalem. Iya usab nailhan nga dili sila andam sa pagka-espirtuhanon, busa midangop sa iyang tuhod sa pagampo, pinaagi Iamang sa pagbasa ug sa pagsabut sa Pulong sa Dios.
C. Nagatubang ka ba bisan sa unsa nga butang nga walay kalauman karon? Kon mao, barug diha sa mga saad sa Pulong sa Dios ug magampo sama sa gihimo ni Daniel.
II. Pagampo Uban sa Pagpaubos (ber. 3).
A. “Ug akong gipaatubang ang akong nawong sa Ginoo nga Dios, sa pagpangata kaniya pinaagi sa pagampo ug mga pagpangaliyupo, uban ang pagpuasa ug pagsapot sa sako ug mga abo.” (Dan. 9:3). “Ang mga pulong “sa ako nga mga sapot” gigamit sa 46 ka besis sa Bibha ug maoy simbolo sa halalum nga kagulanan ug pagbalata.
B. Kon magpaubos kita atubangan sa Dios, ang uban makakita niini, apan wala kita maghimo niini tungod lang kanila, alang kini sa Dios. Apan kon mahibulong ka ngano nga ang imong mga pagampo dili mosaylo sa atop, tingali nagbabag ang imong garbo.
III. Pagampo uban sa pagkamainiton (ber. 3)
A. Ang bersiculo 3 nagingon nga si Daniel “nagpakilooy kang Jehova.” Hebreo kini nga pagkasulti nga nagkahulogan sa “pakigbisug” sama sa gihimo ni Jacob uban sa manolonda sa Genesis 32. Ang Hebreo nga pulong sa “nagampo” usa ka takdo nga ka kinahanglanon uban sa dakung pagkamainiton.
B. Daghan kaayo sa atong mga pagampo mga walay kapuslanan nga mga sinumaysumay. Ang pagampo ni Daniel puno sa pagkadinalian ug sa pagkatinudanay. Napulo ka besis nagsulti siya sama sa, “Oh, Ginoo” o “Oh, akong Dios.” Nakasulay ka ba sa pagagulo sa pagampo?
IV. Isugid ang tukma nga sala (mga ber. 4-14)
A. Gibubo ni Daniel ang iyang kasingkasing ngadto sa Dios sa mga bersiculo 4-5, “Oh, Ginoo, ang daku ug makahadlok nga Dios, nga nagatuman sa tugon ug mahigugmaong kalolot kanila nga nahagugma kaniya ug kanila nga nagabantay sa iyang mga sugo. Kami nanagpakasala, ug nanaghimo sa mga kadautan, ug nanagbuhat sa kangilaran, ug mingsukol kami, bisan pa sa pagtahod gikan sa imong mga sugo ug gikan sa imong mga tulomanon.” WaIa siya mangatarungan; kondili iyang giangkon nga ang nasud sa Israel takus sa maong nahitabo. Wala niya basula ang uban tungod sa ilang kagulanan.
B. Naggahin ka ba og panahon sa kanunay sa pagasugid sa imong personal nga mga sala ngadto kang Jesus o naggahin ka ba og panahon sa pagtago sa imong mga sala gikan sa uban? Si Daniel dili lamang andam sa pagsugid sa iyang mga sala; andam siya nga maghinulsol, nga mao ang pagusab sa iyang batasan. Wala matuod nga pagsugid kon walay paghinulsol.
V. Pagpaabut og tubag (mga ber. 20-23)
A. Nakdawat si Daniel sa tubag sa iyang pagampo bisan sa wala pa mahuman siya sa pagampo. Bisan og dili kini sa kanunay mahitabo sama niini, sa makadaghan sa atong pagampo, ang Dios motubag kanato sa dili pa gani kita motindog gikan sa pagluhod. Mao kini ang nahitabo dinhi.
B. Ang Dios motubag kanunay sa pagampo. Usahay ang tubag Oo, usahay Dili, ug usahay Paghulat. Apan motubag Siya kanunay sa mga pagampo.
VI. Panapus
Bisan unsa ka daghan ikaw nakasala, adunay saad kanunay sa kalooy, gracia ug pasaylo – samtang ikaw moduol sa Dios diha sa pagpaubos ug magsugid sa imong mga sala. Adunay nangutana: “Unsa ka halayo ikaw magpakasala nga dili na ikaw mapasaylo sa Dios?” Tubag “Walay nahibalo kay wala pa may usa nga nakaabut niana nga gilay-on.”
0 Comments