PAGPAKIGHIGALA NGA PAGMENSAHE

PAGPAKIGHIGALA NGA PAGMENSAHE

1 Tesalonica 2:1-2

PANGABLI NGA HUNAHUNA
Makadala kitag daghang mga kalag ngadto kang Cristo pinaagi sa pakighigala kanila.
Ang atong tuyo ingon nga mga Cristohanon mao ang pagkinabuhi sa paagi nga makadala kitag himaya ngadto sa Dios ug sa mga kalag ngadto kang Cristo. Ang Dios makagamit sa usa ka yano nga tawo ug motabang kaniya sa pagbuhat og dili na kasarangan nga mga butang sa iyang gingharian. Ang pagpangmensahe o pagdaug og mga kalag makapahadlok.
Dili kinahanglan nga magdala kitag daku ug itom nga libro, mapahiyomon nga mamaligya-ay, ug manuktok sa mga pultahan aron sa pagtudlo sa mga tawo bahin sa pamaagi ni Jesus sa pagmensahe. Si Pablo naghatag og tulo ka mga bahin nga malakip sa pakighigala nga pagmensahe!
I. Kasayuran – 2:1-6 (basaha)
A. Sa imong pagbasa sa mga pulong ni Pablo, imong mabatyagan ang iyang pagkadinalian sa paghatag sa maayong balita. Bisan sa kusganon nga pagsupak, wala sila magduha-duha sa pagsulti bahin kang Jesus. Nahibalo siya nga nagkamatay na ang mga tawo sa ilang mga sala, ug iyang naila nga bisan unsay iyang dangatan, kinahanglan ilang madunggan ang maayong balita ni Cristo.
B. Aron magtinuod kita sa pagsulti sa atong mga higala ug mga pamilya bahin kang Jesus, kinahanglan modangat kita sa pagila nga nawala sila. Dili sila ikauban nato didto sa langit gawas kon ilang ihatag ang ilang mga kinabuhi ngadto kang Cristo.
C. Busa nganong wala man kita magpaambit kang Cristo kanila? Daghan ang nangahadbok. Ang labing epektibo sa pagsulti sa tawo bahin kang Jesus mao lamang ang pagpakigsuiti kaniya sa matag adlaw. Ang dakung butang mao, magpabilin ikaw sa imong pagkamao ug pangita og mga higayon sa pagpahat kang Cristo ngadto sa uban.
II. Pag-apil – 27:7-9 (basaha)
A. Ang pagapil mao ang pakigsalmot sa pagtukod og mga kadugtongan sa katawhan!
“Malomo kami sa inyong taliwala sama sa nagpasuso nga inahan nga nagatiman sa iyang mga anak. Walay laing paagi nga makadala kita og mga tawo ngadto kang Cristo gawas sa pagka-looy ug pagka¬malomo kanila.
B. “Daku ang among paghigugma kaninyo nga dili lamang kami buot mopahat kaninyo sa ebanghelyo, kondili sa among mga kinabuhi usab.” Mao kini ang pagmensahe pinaagi sa pagpakighigala! Kon atong sugdan pagpaambit ang atong mga kinabuhi ngadto sa uban, magkadaku ang atong kahigayonan sa pagdala kanila ngadto kang Cristo. Imong mahimong mga tinonan ang mga tawo kon mahibalo sila nga may pagtagad ikaw kanila!
C. Unsaon nato pagpakita sa mga tawo nga nagtagad kita kanila? Makighigala ikaw! Ipahat ang imong kaugalingon! Paminaw og maayo!
1. Pagdapit og mga tawo sa pagpanihapon aron makighinasa kanila. Ipahat ang imong mga kasibut, sa imong mga kagustohan ug ang dili. Mao kining paagi sa pagpalambo sa pakighigala. Kinahanglan atong ipahat ang atong mga kinabuhi pinaagi sa pagpakita sa mga tawo nga tinudanay ang atong paghigugma ug pagtagad kanila, makaila sila nga tinudanay ang atong pagtagad ug walay tuyo sa paglimbong kanila ug magadugang ang ilang handum sa pagpaminaw kanato.
2. Magmatinabangon ka! Tabangi ang mga tawo sa ilang panginahanglan! Bisitahi ang mga masakiton! Pahulami ang imong kamot sa bisan unsang paagi nga imong mahimo. Mao kini ang paagi ni Jesus. Diin may maayong pagkamanggihatagon nga ministeryo, adunay pagtubo. Hinoon, ang pagkamanggihatagon, labaw pa kay sa igo lang pagpanghatag og salapi; mao kini ang paghatag sa imong kaugalingon sa pagalagad sa uban.
III. Paghulagway – mga ber. 10¬, 12 (basaha)
A. Kinahanglan atong kinabuhian ang kinabuhi ni Cristo. Unsaon nato pagkabut sa uban kong walay pagkinabuhi niini? Ang atong mga higala nga dili mga Cristohanon, pamilya, mga silingan, kaubanan sa trabaho nagbantay kanato sa pagtanaw kon ato ba gayud gituohan ang atong gitudlo. Kon dili kita tinuod, wala silay handum sa pakiguban kanato o sa atong Dios.
B. Unsaon nato paghulagway sa tinuod nga pagsimba kon kanunay kita maulahi sa mga serbisyo sa simbahan.
IV. Panapus
Kon atong ilakip kining mga bahin sa pagmensahe pinaagi sa pakighigala sa atong pagkinabuhi matag adlaw, makapaukay kita og kasibut sa uban nga gusto mahibalo og dugang bahin kang Jesus.