GIHULMA ALANG SA BULOHATON SA DIOS

                   GIHULMA ALANG SA BULOHATON SA DIOS

Mateo 25:14-25

PANGABLI NGA HUNAHUNA

Mga ginamiton kita sa Dios aron sa pagalagad sa uban sa Iyang himaya.

Ang iglesia, ang Lawas ni Cristo, mao ang tipiganan sa mga gamit sa Dios. Sama sa bisan unsa nga cahon sa mga gamit puno kini sa nagkalainlaing mga gamit alang sa nagkalainlaing mga tuyo. Ang Dios nagpili kanato ingon nga lyang mga ginamiton sa pagpalambo sa lyang sa mga katuyoan sa lyang Gingharian dinhi sa yuta. Dili tanan kanato screw drivers o mga drills o mga gabas, apan kitang tanan makaalagad sa lahi-lahi nga mga kinahanglan. Ang tanan kanato gibuhat alang sa tukma nga ministeryo ug kana nga ministeryo mahinungdanon sa katuyoan sa Dios alang sa Gingharian.

I. Nagalagad kita sa Dios pinaagi sa pagalagad sa uban

A. Ang Biblia nagingon, “Kita mga binuhat sa Dios, nalalang diha kang Cristo Jesus aron sa pagbuhat og mga maayo, nga giandam nang daan sa Dios alang kanato aron buhaton” (Efeso 2:10). “Ang matag usa kinahanglan magagamit sa bisan unsa nga gasa nga iyang nadawat aron pagalagad sa uban” (1 Pedro 4:10).

B. Ang pagka-magamit sa Dios nagkahulogan nga andam ikaw mogamit sa imong mga hiyas ug katakus sa pagpanalangin sa uban sa tuyo sa pagdala ngadto sa Dios sa labing daku nga himaya ug kadungganan kutob sa mahimo.

C. Lain pang bahin sa pagkamagamit mao ang pagka-andam sa pagkahimong mapuslanon ngadto sa Dios una sa tanan. Tingali nahibalo kita nga ang Dios naghatag kanato og mga gasa ug mga katakus na gamiton alang sa iyang mga katuyoan apan nagkapuliki kita pagayo nga wala na kitay panahon sa paggamit kanila alang sa atong mga tinguha. Ang paghigugma sa kaugalingon ug materialismo maoy serioso nga mga babag sa pagalagad.

II. Pagalagad sama kang Jesus nagkahulogan sa pagkamapasalamaton

A. Ang atong paapasalamat sa pagalagad sa Dios nagagikan sa atong mga kasingkasing tungod sa mga kalooy sa Dios, sa pagluwas sa atong mga kinabuhi. Daghan kitag kapasalamatan. Ang Biblia nagingon, “Siya mao ang nagluwas kanato ug nagpili kanato alang sa lyang balaang bulohaton dili tungod kay takus kita niini kondii tungod kay mao kini ang iyang plano…” (2 Tim. 1:9).

B. Daw unsa ka kahibulongang gasa, sa atong pagkapinili sa Dios aron magamit alang sa iyang balaang bulohaton niining kalibutan. Sukihan kita, hakog, mahadlokon, masinahon, ug bintahoso, apan bisan pa niining tanan gipili gihapon kita sa Dios aron gamiton.

C. Gitawag kita sa pagalagad uban sa mapasalamaton nga mga kasingkasing, dili mga kasingkasing nga gipalihok pinaagi sa pagpugos o tungod sa katungdanan. Ang atong tumong sa pagalagad sa Dios dili pinaagi sa pagsulay sa pagbalus sa Dios sa Iyang mga kalooy o tungod kay atong gibati nga katungod sa Cristohanon ang pagbuhat.

III. Ang pagalagad kang Jesus nagkahulogan sa pagkamatinumanon.

A. Ang sambingay bahin sa talanton nagpakita kanato nga sa atong paggamit sa atong mga talanton o mga hiyas ug mga katakus alang sa himaya sa Dios, mahimo kita nga matinumanon ngadto Kaniya.

B. Ang ministeryo mao ang buhat sa tibuok iglesia. Sa matag gutlo sa imong kinabuhi maoy kahigayonan alang sa pagalagad sa Dios. Walay sapayan kon diin ikaw magabuhat o unsay imong buhaton, ang Dios nagabutang kanimo sa dapit nga buot Niya nga adunay ministeryo alang kanimo. Kon pangutan-on ka sa mga tawo unsay imong gibuhat sultihi sila nga usa ikaw ka misyonero nga maayo kaayo nga pagtakoban ingon nga usa ka doctor, o banker, o professor, magtutudlo, o usa ka inahan. Ang Dios naghatag kanimo og pinasahe nga mga gasa ug mga katakus nga maoy iyang gipasabut alang kanimo ug sa paggamit niini alang sa kaayohan sa uban ug alang sa kalamboan sa lyang gingharian.

IV. Panapus

Ang Dios walay tuyo nga atong gamiton ang atong mga gasa ug mga katakus sa hinakog nga mga tumong, kondili sa paggamit kanila sa matinumanon nga pagalagad kaniya. Gigasahan ikaw sa espirituhanong gasa aron ang imong kinabuhi mahimong panalangin ngadto sa Dios ug sa uban ug sa pagpasidungog niana nga tawag ngadto sa pagkamatinumanon, nga centro sa Gingharian ang Dios magpanalangin kanimo saylo pa sa imong labing ihalas nga panghanduraw.

Kong suod ang atong pakigdugtong kang Jesucristo, ang ministeryo mahimong labaw pa kay sa usa ka tawag sa pagalagad mahimo kini nga labing halalum nga handum sa atong kasingkasing. Ang ministeryo nga nagatubod gikan sa kadugtongan sa gugma kang Jesus dili mababagan, dili mapugngan, ug dili matuis. Ngano man? Tungod kay kini nga matang sa ministeryo dili usa ka paghatag og gahum pinaagi sa tawhanong paningkamot o paninguha, kondili pinaagi sa Balaang Espirit sa Dios nga nagpahayag sa Iyang kinabuhi dinhi ug pinaagi sa atong mga kinabuhi. Kini ministeryo nga nagagikan sa kasingkasing, ug kini nga matang sa ministeryo mabination, buhi, ug gamhanan.