Juan 21:1-17
PANGABLI NGA HUNAHUNA
Pinaagi sa pagsugid sa atong mga sala, magamit kita sa Dios nga makusganon.
May handum kita sa pagkamatinumanon nga mga sumosunod sa atong Manluluwas Oo, sa makadaghan-masalaag usab kita gikan sa pagtoo. Atong tugotan ang sayop nga mga kabuyoan sa atong mga kinabuhi. Makasinati kita sa espirituhanong kapakyasan sa pagtugot sa sala sa atong mga kinabuhi, ug ang atong mga kadugtongan kang Jesus madaut. Atong makita ang hingpit nga sumbanan sa pagpasaylo, pagpahiuli, ug pagdaug human sa kapakyasan sa sala sa kinabuhi ni Pedro.
I. Walay usa nga hingpit… ang tanan mapakyas.
A. Samtang nagbarug si Pedro nga nagpainit sa iyang kaugalingon,gipangutana siya, “Dili ba usa ka sa iyang mga tinonan?” Milimod siya niini, sa pagingon, “Dili.” (Juan 18:25¬26)
B. Walay usa kanato nga dili makasala. Walay usa kanato nga dili makapasubo kang Jesus… bisan pa gani ang mga tawo nga suod Kaniya dinhi sa yuta sama kang Pedro. Busa mahibulong ba kita sa kapakyasan atong pagpakasala? Dili. Matingala ba ang Dios kon mapakyas kita sa pagpakasala ug sa pagapasubo Kaniya? Dili! Mohunong ba Siya sa paghigugma kanato? Dili!
II. Bisan unsay imong mabuhat, imo gihapon higala si Jesus.
A. Si Jesus miingon kanila, “Dad-a diri ang pila ka isda nga inyong nakuha nga isda.” (Juan 21:10) Dali kamo ug mamahaw kita.” (Juan 21:12a) gilimod ni Pedro si Jesus ug iyang gitalikdan Siya sa publiko. Apan gidapit gihapon siya sa paglingkod tapad Kaniya sa pagkaon.
B. Bisan unsa ang imong kapakyasan, bisan unsa nga sala ang imong nahimo, ang Manluluwas nga nagpakamatay alang kanimo mahigugma gihapon kanimo. Imo gihapon Siya nga higala. Ug buot gihapon Siya nga makigtapad ka Kaniya ug makigsulti Kaniya. Higala gihapon Siya nimo. Nahigugma gihapon Siya kanimo.
III. Sabta nga adunay mga Iinugtangan ang imong sala.
A. “Sa ilang pagkahuman papangaon, miingon Si Jesus kang Pedro, “Simon anak ni Jonas, nahigugma ba gayud ikaw kanako labaw niini kanila? (Juan 21:15a).
B. Makapanginalabut sa mga suod kanimo ang imong pagpakasala … ang imong pamilya, imong mga higala, ug bisan ang imong iglesia. Apan, Iabing importante kay sa bisan unsa niini, ang imong kapakyasan sa sala makapadaut sa imong relasyon kang Cristo.
C. Gihigugma gihapon ni Cristo si Pedro. Higala gihapon siya ni Cristo. Apan nadaut ang ilang relasyon. Nahuyang. Ug ang kadaut niadto nga kadugtongan kinahanglan atimanon ni Jesus sa diha nga lyang giatubang si Pedro.
IV. Angkona ug Atubanga ang Sala.
A. Si Jesus miingon kang Simon Pedro, “Simon anak ni Jonas, nahigugma ba gayud ikaw kanako labaw niini tanan kanila?” “Oo, Ginoo,” miingon siya, “Pakan-a ang akong mga nating carnero?” lyang gisubli ang pangutana sa makatulo. Nasubo si Pedro sa makatulo nga pagsukit ni Jesus kaniya, “Nahigugma ba ikaw kanako?” Siya miingon, “Ginoo, nahibalo ikaw niining tanang mga butang nahibalo ikaw nga nahigugma ako kanimo.” Si Jesus miingon , “Pakan-a ang akong mga carnero.” 21:9, 15-17).
B. Ang pulong sa Dios nagsaad sa I Juan 1:9 sa pagingon, “Kon atong isugid ang atong mga sala, siya matinumanon ug matarung ug magpasaylo sa atong mga sala ug maghinlo kanato gikan sa tanang pagka-dili matarung.” Apan kinahanglan atong angkonon ang atong sala – kinahanglan atong isugid.
V. Si Jesus adunay usa ka katuyoan ug bulohaton alang kanimo.
A. Miingon si Jesus, “Pakan-a ang akong mga carnero.” (Juan 21:17). Pinaagi sa paghatag kang Pedro og tulo ka higayon sa pagpamatuod, iyang gipasabut si Pedro nga mapuslanon gihapon siya sa causa. Magamit pa siya. May katuyoan pa siya. Gani, mahimo pa siya nga usa ka dakung pangulo.
B. Gigamit sa Dios si Pedro nga kusganon sa pagmensahe sa pagkunsad sa Espiritu Santo ug linibo ang midawat kang Jesus sa usa lang ka adlaw.
VI. Panapus.
Bisan naunsa ka pagkapakyas, si Jesus adunay sulbad niana nga sala. Buot Niya nga ipahiuli ang lyang kadugtongan kanimo. Buot Siya magpasaylo kanimo. Buot Siya mahimong labing maayong higala kanimo. Apan adunay pila ka mga lakang nga imong buhaton… sa pagtagad sa imong sala, pagangkon niini, ug magsugid niini. Sa imong pakighusay niana, ang Dios magpahiuli kanimo ug mogamit kanimo sa gamhanan nga mga paagi sa paghimo og usa ka kalainan sa lyang gingharian.
0 Comments