Mateo 5:43-48
PANGABLI NGA HUNAHUNA
Sayon lang masulbad ang mga kabingkilan kon atong tagdon sila uban sa principio sa gugma ni Jesus.
Motunaw ang mga pagkabingkil sa püloyanan, tulonghaan, ug gani sa atong iglesia. Atong tanawon kini pagayo subay sa mga sumbanan sa paghusay niana sumala sa gilagda ni Jesus alang kanato diha sa Iyang “wali sa Bukid.”
I. Higugmaa ang inyong mga kaaway.
A. “Higugmaa ang inyong mga kaaway…” (Mateo 5:44). Unsa kini ka lisud? Ang gugma sa atong batasan hapaw-hapaw lamang kaayo. Gipasukad kini sa usa ka pagtagad ug pagbati. Mao nga daghan kaayong mga tinahud ug mga artista sa pelikula mangahulog ug tungod sa gugma nga salingkapaw. Hapaw ra kana nga relasyon, pinasikad sa katahum ug babandi ug dungog. Apan ang matuod nga gugma dili magsukad kon unsay gisulti o unsay mga panagway. Ang matuod nga gugma magsukad kon unsay buhaton niini. Ang matuod nga gugma magasukad sa panglihok nga gikinahanglan niini.
B. Gisugdan kini ni Jesus sa labing malisud nga bahin. Gisugdan Niya kini pinaagi sa kalangkuban. Human niini Iya kita gisultihan og mga butang o nagpa-hinumdum kanato sa mga butang nga magadala kanato balik ngadto niining kamatuoran sa paghigugma sa atong mga kaaway.
II. I-ampo kadtong nagalutos kaninyo.
A. “. . . ug iampo ninyo ang nanaglutos kaninyo…” Mateo 5:44b). Imo ba nakita ang pagkamaalamon niini nga sugo? Malisud dumtan ang tawo o mga tawo nga imong gi-ampo. Karon … sabta . . . nagpasabut si Jesus sa maayo nga mga pagampo dinhi. Wala Siya magtudlo sa pagampo nga padad-an og linog ang imong mga kaaway ug ipalamoy sila ngadto sa gahong… o sama-sama niana nga pagtunglo. Nagpasabut si Jesus bahin sa tinuod nga pagampo nga moabut ngadto sa Dios alang sa mga tawo nga naglutos kanimo.
B. Ang unang lakang sa paghigugma sa imong personal nga mga kaaway ug pagtagad sa imong kaugalingong mga kabingkilan mao ang pagsugod sa pagampo alang sa mga tawo nga imong kabingkil. Imo lamang kini mahimo pinaagi sa paghangyo sa paghatag kanimo og gahum.
III. Ipakita kong kang kinsa nga panimalay ikaw nasakop.
A. “Aron kamo mahimong mga anak nga lalake ug babaye sa iyong Amahan sa langit.” (Mateo 5:45). Nahauna kinahanglan atong higugmaon ang atong mga kaaway, ug atong i-ampo sila. Nagpadayon si Jesus sa pagtandi tali sa mga panglihok sa Diosnon nga mga tawo ug sa mga panglihok sa dili mga diosnon.
B. Gihigugma kitang tanan sa gugma nga walay kondisyon. Ang paghigugma sa imong mga kaaway magpakita kon kang kinsa ka nga pamilya nasakop ug makahimo kini sa mga tawo sa pagmatikod kanimo ug gani maghandum sila sa pagila og dugang bahin kang Jesus.
IV. Palabwi ang gipaabut sa kalibutan.
A. “Kon imong higugmaon kadto lamang ang nahigugma kanimo, unsa may balus nga imong makuha niini? Dili ba gihimo man usab kini sa mga maniningil sa buhis? Ug kon kamo mangumosta lamang sa inyong mga kaigsoonan nga lalake, unsa may imong nabuhat nga labaw pa sa gihimo sa uban? Dili ba nagbuhat man usab niini ang mga wala makaila sa Dios?” (Mateo 5:46-47).
B. Ingon nga mga Adventista kinahanglan lahi kita sa mga kalibutanon. Ingon nga mga sumosunod ni Jesucristo atong higugmaon ang atong mga kaaway, maampo alang kanila, ug magpaila nga kita nagasunod ni Jesus! Mao kana ang atong mahimong pagsaksi dinhi sa kalibutan!
V. Magasama kamo sa inyong langitnong Amahan.
A. “Busa magmahingpit kamo, ingon nga hingpit ang inyong langitnong Amahan.” (Mat. 5:48). Mao kini ang kalangkuban sa tanang gitudlo ni Jesus sa lyang Wali didto sa Bukid. Gani mao kini ang kalangkuban sa tanan nga lyang ginatudlo sa Kasulatan. Ang katuyoan sa kaluwasan, ang kalabuton sa Ebanghelyo sa Dios, ang dakung handum sa kasingkasing sa Dios mao nga kita mahisama Kaniya. Apan dili kini mahimo pinaagi sa atong kaugalingon kusog. Apan, “Uban sa Dios ang tanang butang mahimo.” Mat. 19:26.
B. Sa atong pagtugyan ug pagpasakop sa atong kabubuton ug sa atong mga handum ngadto sa kabubuton sa Dios, makahimo Siya kanato sa pagkahisama Kaniya.
VI. Panapus
Atong buhaton kining kamandoan ni Jesus sa atong mga kinabuhi. Maghunahuna kita bahin sa atong kadugtongan nga naputol tungod sa pagkabingkil. Paghunahuna kon unsaon pagsulbad kini nga mga kabingkilan pinaagi sa paggamit sa “principio ni Jesus”. Higugmaa sila, i-ampo sila ug ilang makita nga ikaw usa ka anak sa usa ka mahigugmaon nga Dios.
0 Comments