MATINUMANON NGADTO SA DIOS
PANGABLI NGA HUNAHUNA
Ang pagkamatinumanon ngadto sa Dios moabut pinaagi sa pagsalig ug pagtuo sa Dios.
Ang uban naghunahuna nga ang pagkamatinumanon mao Iamang ang pagkinabuhi nga walay pagpangibog sa unod ug pagdaug batok sa makasasala nga mga batasan. Ang uban nagtuo nga nagkahulogan kini sa makanunayon nga pagbasa sa Bibha, pagampo, paghatag ug pagsimba. Ang uban pa gayud nagtuo nga kini maoy pagbuhat og maayo o pagputli pinaagi sa paglikay sa tanan nga dautan ug pagkadautan. Apan kining mga butanga dili gayud makapamatinumanon kanato sa Dios! Ang pagkamatinumanon ngadto sa Dios dili mahimo gawas kon kini magagikan sa usa ka masaligon, matinuohon nga kasingkasing.
I. Kuhaa ang Pagkadili-matinuohon Gikan sa Imong Kasingkasing.
A. Bisan ang labing gamay nga pagkadili-matinuohon dulumtanan sa Dios. Makalaglag kini nga sala sa kalag. Makalangan kini sa buhat sa Dios sulod kanato – ug mao kini ang sala luyo sa tanang pagkabulag gikan sa Dios. “Apan ang pulong nga hingdunggan wala nila pagpusli, tungod kay wala kini ubani sa pagtoo niadtong mga nanagpakadungog” (Heb. 4:2). Patuhopa sa halalum kanang mga pulonga “Gawas kon ang imong gibasa ug nadunggan nga giwali ubanan sa pagtoo, dili kini nimo mapuslan.” Batoni ang pagtoo sa Dios!
II. Ayaw Paminaw sa mga Bakak sa Yawa.
A. Atong pahinumduman ang atong kaugalingon sa matag adlaw, “May kaaway ako nga buot molaglag kanako. Usa siya ka bakakon, usa ka limbongan ug tiglingla.” Si Jesus miingon, “Ang yawa … usa ka mamumuno sukad pa sa sinugdan, ug wala magpuyo diha sa kamatuoran, kay wala may kamatuoran diha kaniya. Kon siya magasulti og bakak, nagasulti siya sa iya lamang kaugalingon kay siya bakakon, ug amahan sa tanang bakak” (Juan 8:4).
B. Gamiton ni Satanas ang iyang labing malinglahon, madanihon nga mga bakak. Aniay pila sa labing dagku nga bakak sa yawa:
Bakak No. 1: ‘Wala kay kalamboan sa espiritu.” Makapila na ka besis Si Satanas miduol kanimo uban niini nga mga bakak? Nahauna sa tanan, mga hinigugma, dili nato itandi ang atong pagtubo sa uban. Ug ikaduha, ang yawa dili maoy mosuiti kanimo kon ikaw nagatubo ba. Gani, dili siya moduol kanimo gawas kon ikaw nagatubo!
Bakak No. 2: “Huyang ka ra kaayo alang sa gubat nga espirituhanon.” Si Daniel nagpasidaan nga molampus ang yawa sa pagpaluya sa mga balaan: “Ug siya magasulti sa dagkung mga butang batok sa Labing Hataas” (Dan. 7:25).
Bakak No. 3: “Wala ka ubani sa Dios – imo Siya gipasubo.” Dukdokon ka sa yawa uban sa Pulong sa Dios nga iyang saypon pagpasabut ang kahulogan. Si Jesus miingon: “Dili ko gayud kamo pagabiyaan – dili ko gayud kamo pasagdan.” Ang Dios magauban kanimo sa kanunay!
III. Susiha ang Imong Kaugalingon – Tanawa kon Sad-an ka Ba sa Sala sa Pagka-dili Matinuohon.
A. “Magmatngon kamo, mga igsoon, basi adunay uban kaninyo nga adunay usa ka dautan nga kasingkasing sa pagka-dili matinuohon, sa pagbulag gikan sa buhi nga Dios” (Heb. 3:12). Kini nga pahayag tinaw nga nagdugtong sa pagbulag gikan sa Dios uban sa kasingkasing nga dili matinuohon.
B. Ang nagasulat sa Hebreohanon naghigot niining tanan sa pag-usa: 1) usa ka dautan nga kasingkasing sa pagkadili¬matinuohon, 2) pagpagahi sa kasingkasing, 3) pagbulag gikan sa Dios.
Ania dinhi kon sa unsa nga paagi ang pagpagahi sa kasingkasing: Nahauna imong tugotan si Satanas sa pagbakak kanimo. Ikaduha, usa ka binhi sa pagkadili- matinuohon gitanum. Dayon ang imong pagkagahian maoy makaingon sa tanang matang sa pagbabag: kauga, kabasiyo, usa ka pagsalig diha sa mga pagbati. Sa katapusan, mosangko ka sa pagbulag gikan sa Dios sa imong kasingkasing.
C. Kon adunay makaplagan nga sala sa imong kasingkasing, ang Dios nagdapit kanato sa pagduol Kaniya. “Busa sa nabatonan ang usa ka Iabawng sacerdote nga nakalatas sa kalangitan, si Jesus ang Anak sa Dios… Busa manuol kita nga may pagpangahas ngadto sa trono sa gracia, aron kita makadawat sa kalooy, ug makakaplag sa gracia nga makatabang kanato sa takna sa pagkinahanglan” (Heb. 4:14-16).
IV. Panapus.
Gidapit kita ngadto sa lawak sa trono sa Hari sa uniberso. Nahibalo Siya sa imong giagian, kon unsa ang imong nahimutangan karon, ug unsa ang imong giatubang sa umaabut. Ug nagpaabut Siya kanimo sa pagduol nga may, pagpangahas ngadto Kaniya! Mao ba kini ang panahon sa imong pagkinahanglan? Dili ka kinahanglan moingon, “Kinahanglan mopauli ako ug akong atimanon ang akong tinago nga aparador aron makasulod sa lawak sa trono sa Dios.” Bantaye ang lyang Pulong!
0 Comments