Roma 8:1-17
PANGABLI NGA HUNAHUNA
Atong madaug ang nabatasan nga mga sala sa atong mga kinabuhi kon atong tugotan ang Dios sa paggahum sa atong mga kinabuhi.
Nganong usa man ka suliran alang kanato sa pagbaton og kadaugan sa atong mga hilig sa pagpakasaIa? Ang tubag kanunay anaa sa pulong PAGGAHUM – kinsa man ang atong gusto nga magagahum sa atong mga kinabuhi. Aduna lang kitay tulo ka mga kapili-an niining bahina ang Dios – ang atong Kaugalingon – Si Satanas. Magpuli kita kon kinsa ang maggahum sa atong hunahuna – sa kabubuton ug mga pagbati pinaagi sa adlaw-adlaw nga daw dili mahinungdanon nga mga desisyon nga atong himoon. Unsaon nato pagdaug sa mga hilig ngadto sa pagpakasala sa atong mga kinabuhi? Ang Roma 8 nagpakita kanato sa mga lakang nga atong makuha aron sa pagputol sa atong mga Hilig ngadto sa mga Sala.
I. Lakang Uno – Ayaw na Ninyo Tugoti ang Inyong mga Nabatasan sa Paggiya Kaninyo
A. “Ug dili kamo maglakaw sunod sa mga mando sa Unod, kondili sunod sa mando sa Espiritu.” (Roma 1:1). Ang gigamit nga hulagway sa pulong ni Pablo dinhi mao ang iya sa kumandante opisyal. Ang atong unod, ang atong daang mga nabatasan mosulay sa pagsugyot kanato sa pagsunod sa daan nga mga sulondan nga maghatud lamang ngadto sa kapildihan apan dinhi gisultihan kita sa dili paglakaw sunod nianang mga mando – imbis magtugot sa Espiritu Santo sa pagmando kanato.
B. Ang unang ang-ang sa pagpaminaw sa tingog sa Espiritu sa Dios mao ang paghilum sa atong kaugalingon aron sa pagpaminaw. Nagkahulogan kini nga kinahanglan atong pahilumon ang atong unod – ang atong mga hilig ngadto sa pagsulay sa pagsulbad sa tanang butang sa atong kaugalingong paagi ug dili maguna sa paggiya sa Dios.
II. Ikaduhang Ang-ang – Magkinabuhi Kuyog sa Espiritu Santo (ber. 4)
A. “Tungod kay kita nagkinabuhi pinaagi sa Espiritu kinahanglan maglakaw kita kuyog Espiritu” (Gal. 5:25). Makalakaw kita kuyog sa Espiritu kon atong tuyoon ang pagpili sa pagbuhat sa mga butang sumala sa paagi sa Dios ug dili ang atong paagi.
B. Makalakaw kita kuyog sa Espiritu pinaagi sa paggamit sa principio nga nakita diha sa Efeso 4:3 “Nga managtinguha sa pagbantay sa paghiusa sa Espiritu diha sa gapus sa pakigdait.”
C. Nagkahulogan kini sa pagsugod sa imong adlaw uban sa imong Hunahuna – Kabubuton ug mga Pagbati nga ipasakop sa Ginoo, sa hingpit nga pagtugyan sa imong mga panghunahuna ug mga batasan ngadto sa Ginoo – paglakaw uban sa Dios.
III. Ikatulong Ang-ang – Likaye ang Dautan nga mga Hunahuna (mga ber. 5-6)
A. Ang dautang nga mga hunahuna naglakip sa negatibo nga mga hunahuna bahin sa imong kaugalingon ug sa uban, mananaway nga panghunahuna, mahinukmanon nga mga hunahuna, mabalak-on nga mga hunahuna, maibogon sa unod nga mga pangindahay, hugaw nga mga hunahuna, mapanimaslon nga mga hunahuna. . . ug uban pa. “Ayaw pag-awat sa batasan ug mga pagginawi niining kalibutan, kondili tugoti ang Dios sa pagusab kanimo ngadto sa bag-ong pagkatawo pinaagi sa pagusab sa imong panghunahuna. Imong mahibaloan kon unsa ang buot sa Dios ipabuhat kanimo, ug makahibalo kon unsa ka maayo ug makalipay ug hingpit gayud sa iyang kabubuton.” (Roma 12:2).
B. “Sa katapusan, mga igsoon, bisan unsang mga butang matuod, bisan unsang mga butang dungganon, bisan unsang mga butang matarung, bisan unsang mga butang putli, bisan unsang mga butang hinigugmaon, bisan unsang mga butang nga may maayong kadungganan, kong adunay pagdayeg hunahunaa kining mga butanga. (Filipos 4:8).
IV. Lakang 4— Pagtuon sa Pagkinabuhi diha sa Gahum sa Espiritu Santo (mga ber. 12-14)
A. Dili kinahanglan nga magtuman kita sa pagbuhat kon unsa ang mga dictar sa atong daang mga batasan. (ber. 12).
B. Kon dali ka ra masuko – dili kinahanglan magpaulipon ka sa imong pagkamasuk-anon. “Apan kon pinaagi sa gahum sa Espiritu Santo ikaw motalikod gikan niini… Karon, kang kinsang gahum kita makahimo sa pagtalikod gikan sa Nabatasan nga mga Sala?” (ber. 13)
C. “Apan sa diha nga moabut na ang Espiritu Santo diha kaninyo, makadawat kamo og gahum.” Hunong na sa pagsulay sa imong kaugalingong gahum ug mga binuhatan, magkinabuhi diha sa gahum sa Espiritu Santo.
V. Panapus
Hinumdumi nga ang issue PAGGAHUM. Kinsa ang imong tugotan sa paggahum sa imong kinabuhi? si Jesus? -ang imong Kaugalingon – o si Satanas? Si Jesus lamang nga makahatag kanimo sa kinabuhi ug kalinaw.
0 Comments